Ulijike kancane uHugo Broos elidlala owesibili nePanama
Wenze izinguquko ezimbalwa umqeqeshi weBafana Bafana uHUgo Broos emdlalweni wesibili nePanama.
Lo mdlalo wokuzwana amandla useDHL Stadium eKapa ngoLwesibili – uqala ngo-7.30 ebusuku.
UHugo Broos ubevele ekushilo ukuthi ngeke alijike kakhulu iqembu lakhe elibambane ng0 1-1 nePanama emdlalweni wokuqala.
UMbekezeli Mbokazi noBongokuhle Hlongwane abebephunyuziwe emdlalweni odlule, bayawuqala owangoLwesibili.
UMbokazi uthathe indawo kaKhulumani Ndamane emuva maphakathi nenkundla.
Uboshelwe no-Ime Okon kule ndawo, kanti ezinhlangothini kukhona izethenjwa ezindala oKhuliso Mudau no-Aubrey Modiba.
Esiswini uJayden Adams uthathe indawo kaSiphephelo Sithole ophunyuziwe kulo mdlalo.
URelebohile Mofokeng naye uyawuqala kulokhu umdlalo, kanti yena uthathe indawo kaThemba Zwane.
UHlongwane yena uthathe eka-Oswin Appollis ophondweni lwesikudla njengoba uHugo Broos ezama okusha.
Ibophele kanje iBafana: Williams – Mudau, Modiba, Okon, Mbokazi – Hlongwane, Moremi, Mokoena, Adams, Mofokeng – Foster
Ebhentshini: Leaner, Goss, Ndamane, Sibisi, Matuludi, Kabini, Maseko, Zwane, Mbatha, Appollis, Makgopa
