Bradley Grobler, who will turn 39 years old next year, remains one of the top goalscorers since the inception of the Premier Soccer League era.

Ufunwa eThekwini naseKapa uBradley Grobler

July 22, 2026 1 min read

Umgadli ongumakadebona u-Bradley Grobler ufunwa uthuli eThekwini naseKapa njengoba esaqhubeka nokucinga iqembu azodlala kulo.

Lo mgadli akanaqembu njengamanje ngemuva kokuhlukana neSekhukhune United ekupheleni kwesizini edlule.

Nokho, akukavalwa ngokuphelele ukuthi angase abuyele kuleli qembu, yize izingxoxo sezithule emasontweni adlule.

U-Bradley Grobler, ozohlanganisa iminyaka engu-39 ngonyaka ozayo, usengomunye wabadlali abashaye amagoli amaningi kusukela kwaqala inkathi yePremier Soccer League.

Yize ehlushwe ukulimala eminyakeni edlule, ushaye amagoli angu-11 kuyo yonke imiqhudelwano ngesizini edlule.

Uphinde wazifaka ohlwini lwabadlali asebeshaye amagoli angaphezu kuka-100 esigabeni esiphezulu.

I-SABC Sport ibika ukuthi iStellenbosch FC ifuna ukuphinde ihlanganise u-Bradley Grobler nomqeqeshi uGavin Hunt.

UHunt useke wasebenza naye ngaphambilini futhi ufuna ukwengeza abadlali abanamava ngemuva kokulahlekelwa abadlali abamqoka ngaphambi kwesizini ka-2026/27.

AmaZulu nawo asengenile embangweni wokusayina u-Bradley Grobler ongomunye wabagadli abangalibheki ipali kuleli.

Usuthu kubikwa ukuthi lufuna abadlali abanamava ngemuva kokuqeda endaweni yesine kwiBetway Premiership ngaphansi kuka-Arthur Zwane ngesizini edlule.

Nokho, uGrobler akakasithathi isinqumo ngekusasa lakhe.