UBradley Grobler uqhube umgqigqo egwinya i-Arrows
Umgadli weSekhukhune United, uBradley Grobler uthathe elinye igxathu elisondela ekuficeni irekhodi likaPeter Shalulile lamagoli amaingi kwiPSL.
Lo mgadli oneminyaka engu-37 ubudala ushaye igoli elinqobise iSekhukhune United ishaya iGolden Arrows ngo 1-0 emdlalweni weBetway Premiership ngoMgqibelo ntambama.
Leli goli likaBradley Grobler liqinisekise ukuthi iBabina Noko iyaqhubeka nokuhlala eqhulwini kwilogi njengoba seyinamaphuzu angu-19 emidlalweni eyisikhombisa.
Ilandelwa yiMamelodi Sundowns enamaphuzu angu-15 ngaphambi komdlalo wayo wangoMgqibelo ebusuku – izobhekana neDurban City.
UBradley Grobler yena usenamagoli angu-124, usele ngayisithupha ukuthi afice uShalulile weSundowns yena onangu-130 – okuyirekhodi elisha.
Komunye umdlalo weBetway Premiership obungoMgqibelo ntambama, iMagesi FC ivuke ngeSiwelele FC iyishaya ngo 2-0.
WINA | Ithuba lokuwina neVicks neLisenethini
ISiwelele izithole igqilazeka ngomzuzu ka-32 ngesikhathi umgadli wayo uSamir Nurkovic ekhishwa ngekhadi elibomvu.
Kuthe sekubalwa amanenjana uyiwe ekhefini, uDelano Abrahams wabeka ezikaJohn Maduka phambili.
FUNDA NALA | IPirates izigwazele ibhece kwelaseLesotho
UThabang Sibanyini uqinisekise ukuthi amaphuzu aphelele asala kwiMagesi ngegoli alishaye ngomzuzu ka-72.
Lokhu unqoba kunyusele iMagesi endaweni ka-12 kwilogi, kanti iSiwelele yona isahleli endaweni ka-14 ngamaphuzu amane emidlalweni eyisikhombisa.
