U-Ouaddou uncoma uSipho Chaine ophihliza amarekhodi ngathi uyabukisa
Umqeqeshi we-Orlando Pirates, u-Abdeslam Ouaddou income unozinti uSipho Chaine ngemuva kokuthi eqophe umlando kwiPSL.
Lo nozinti usephihlize qede waqopha kabusha amarekhodi amabili kule sizini ngokungangenelwa magoli.
USipho Chaine uqophe irekhodi elisha kwiPSL ngesikhathi engangenelwagoli iPirates ishay iMagesi FC ngo 3-0.
Lo nozinti oneminyaka engu-29 ubudala wephule ngokusemthethweni irekhodi langaphambilini likaRonwen Williams.
Uphinde wadlula irekhodi lekilabhu osekunesikhathi eside elabekwa yingqalabutho yePirates uMoeneeb Josephs.
USipho Chaine usangenelwe amagoli angu-12 kuphela emidlalweni engu-28 yeligi kule sizini.
Ukunganelwa goli bebhekene neMagesi kuphinde kwasiza iPirates ukuthi igcine ithemba lesicoco seBetway Premiership liphila.
AmaBhakabhaka ahlezi ngemuva kweSundowns ngamaphuzu amathathu ekubeni esenomdlalo esandleni.
Ngemuva komdlalo u-Ouaddou akakwazanga ukufihla ukwazisa kwakhe lo nozinti weBafana Bafana.
“Ngiyaziqhenya ngaye,” kusho u-Ouaddou. “USipho ungomunye wonozinti abahamba phambili e-Afrika, hhayi kuleli nje kuphela.”
Lo mqeqeshi wePirates uphinde wancoma ubuholi bukaChaine, emchaza njengomunye wokaputeni beqembu enkundleni.
“Ulisiza kakhulu iqembu lethu. Uyabona ukuthi unolwazi oluningi,” kushuba u-Ouaddou.
“Uyakhuluma futhi akhomoze ozakwabo. Ungomunye wokaputeni bethu enkundleni.”
U-Ouaddou uphinde waveza ukuthi uChaine wenza kahle nje yingenxa yokuthi iqembu libambisene.
“Wonke umuntu uyakusebenzela ukuthi singangenelwa goli,” kusho yena.
Njengamanje, uSipho Chaine akagcini nje ngokuvimba amabhola ukusiza iPirates — kepha useqopha nomlando.
