UBroos useliqokile aya nalo kwiWorld Cup – ushiye abayisithupha

Umqeqeshi weBafana Bafana, u-Hugo Broos, ugcine esithathile isinqumo esinzima ngaphambi kwe-World Cup.

Unciphise iqembu lakhe labadlali abangu-32 abebaqoke ngeviki elidlule, wasala nabangu-26 azoya nabo eMexico City ngesonto elizayo.

Lo somaqhinga waseBelgium uvumile ukuthi ngesinye sezinqumo ezinzima okudingeke ukuthi azithathe kusukela ephethe iqembu lesizwe.

UBroos uqinisekise ngokusemthethweni iqembu lakhe lokugcina eliya kwiNdebe yoMhlabangoLwesithathu ebusuku.

Lokhu kwenzeke ngesikhathi kunomcimbi okhethekile e-Union Buildings ePitoli, lapho iBafana Bafana ibisingathwe nguMengameli wezwe uCyril Ramaphosa.

Lo mqeqeshi osemnkantshubomvu uvumile ukuthi isisindo sokwazisa abadlali ukuthi amaphupho abo eNdebe yoMhlaba ayaphela besinzima kakhulu.

• FUNDA NALA | UMzoughi nezimbi kwabeChiefs

Abadlali abayisithupha abasalile kuleli qembu ebelimenyezelwe ngoLwesine olwedlule kanti kukholakala ukuthi bazisiwe ngasese ngaphambi kokuthi kumenyezelwe esidlangalaleni. 

Umqeqeshi ugcizelele ukuthi uyazethemba ngeqembu aliqokele le ndumezulu yomqhudelwano.

Abadlali abasilile yilaba: Brandon Petersen, Thabiso Monyane, Lebohang Maboe, Broeklyn Poggenpoel, Thapelo Morena, Patrick Maswangayi

Iqembu eligcwele leBafana Bafana eliqokwe u-Hugo Broos ukuya kwi-World Cup yileli:

Onozinti: Ronwen Williams, Ricardo Goss, Sipho Chaine

Abasemuva: Khuliso Mudau, Nkosinathi Sibisi, Ime Okon, Mbekezeli Mbokazi, Khulumani Ndamane, Aubrey Modiba, Samukelo Kabini, Thabang Motuludi, Olwethu Makhanya, Kamogelo Sebelebele, Bradley Cross.

Abasesiswini: Teboho Mokoena, Thalente Mbatha, Siphephelo Sithole, Jayden Adams

Abagadli: Oswin Appolis, Lyle Foster, Iqraam Rayners, Tsepang Moremi, Rele Mofokeng, Themba Zwane, Evidence Makgopa, Thapelo Maseko

• EZISHISAYO | Cofa lapha usithole kuWhatsApp