Tso: Ukubuka iChiefs kufana ‘nokudla iphalishi eligenashukela’
Ingwazi ye-Orlando Pirates uBenedict “Tso” Vilakazi isigadle kwiKaizer Chiefs, eyisola ngokulahla isiko layo.
Ekhuluma kwi-Omni Audio Africa, le nkakha ibuze ukuthi yini le edlalwa yiKaizer Chiefs njengamanje.
UTso nokho vumile ukuthi leli qembu liyawaqoqa impela amaphuzu, kodwa wathi ibhola elilidlalayo alikhangi nhlobo.
“Ungalithengisi kanjani igama leqembu uma lidlala ibhola elinjena?” kubuza uVilakazi.
“Ngokubona kwami angiyithandi indlela iKaizer Chiefs edlala ngayo.”
IPHALISHI ELINGENASHUKELA
Le ngwazi eseyaba ngumhlaziyi webhola isebenzise isingathekiso esinzima ukuchaza leli bhola ethi alishayi khona elidlalwa Amakhosi.
Uqhathanise ukusebenza kweqembu nesidlo sasekuseni esithadwayo saseNingizimu Afrika, wathi asidleki ngaphandle kukashukela.
“Awukwazi ukudla iphalishi ngaphandle kukashukela. Alinambitheki nhlobo.”
IMIPHUMELA NOMA ISIKO
IKaizer Chiefs isanda kukhuphukela endaweni yesithathu kwilogi yeBetway Premiership yaphinde yanqoba kwiCaf Confederation Cup.
UVilakazi ukhuluma kanjena nje kungoba iChiefs ilokhu inqoba ngoqwasha baka 1-0 nje selokhu kuqale lo nyaka.
Futhi ukholwa ukuthi “iGlamour Boys” isilahlekelwe yisiko layo lebhola elikhangayo, yaqoka indlela yokudlalela umphumela nje qha.
FUNA NALA | OwoSuthu uncamela wona awePSL kwiNedbank Cup
Uveze ukuthi ekilabhini enkulu kanjena, ukunqoba kukodwa akwanele; kodwa kumele nebhola elidlalwayo lijabulise.
Uzwakalise ukungabaza okujulile kokuthi isitayela samanje “esinganambitheki” singagcina abalandeli baleli qembu bejabule isikhathi eside.
