Seziqhathiwe emzuliswaneni wesibili kwiCarling KO

Imibango yamaqembu azotholana phezulu emzuliswaneni wesibili kwi-Carling Knockout Cup isikhishiwe, kanti amaqembu amakhulu aseGauteng agwemene.

I-Orlando Pirates, iKaizer Chiefs neMamelodi Sundowns azikakezukutholana kulesi sigaba salo mqhudelwani ngenxa yohlelo lokujleliswa kwamaqembu.

Amaqembu akleliswa ngokuthi aqede kubi nendawo ngesizini edlule uma kuqhathwa kulo mqhudelwano. 

Nansi imidlalo ezoba khona emzuliswaneni wesibili kwiCarling Knockout Cup. I-PSL isazomemezela imininingwane yale midlalo:

• IStellenbosch FC izobhekana naMaZulu FC.
• I-Orlando Pirates izotholana phezulu neSekhukhune United.
• IKaizer Chiefs izobhekana neSiwelele FC.
• IMamelodi Sundowns izogadulisana neGolden Arrows.

IPirates, evikela isicoco esiwine ngesizini edlule, izobhekana neSekhukhune ngemuva kokushaya iMilford FC ngo 3-0 emzuliswaneni odlule. 

IKaizer Chiefs yona izosingatha iSiwelele ngemuva kokuthi uWandile Duba eshaye amagoli amathathu behlula iTS Galaxy ngo 3-0. 

ISundowns izobhekana neGolden Arrows, esanda kuqoka uMandla Ncikazi njengomqeqeshi. 

UNcikazi uke wasebenza njengephini lo mqeqeshi kwiPirates ngaphambi kokubuyela kuBafana Bes’thende.

AmaBrazilians angene kulo mzuliswano we-Carling Knockout Cup ngemuva kokuhlula iMarumo Gallants ngo 1-0, ngegoli likaSiyanda Ndlovu.

• FUNDA NALA | UMngqithi ubhoboka ngokumqhathe neYanga

Kwelinye icala, iStellenbosch kaGavin Hunt, eyawina le ndebe ngo-2023, izobhekana naMaZulu FC ka-Arthur Zwane.

Imidlalo yalo mzuliswano ithembisa ukushuba, njengoba amaqembu ezobe esesondele kakhulu ethubeni lokudlala kowamanqamu.

• EZISHISAYO!| Cofa lapha usithole kuWhatsApp