Seyimuncu kuleli, kodwa isaqhubeka i-Afcon
Yize kulindeleke lehle isasasa ngemidlalo ye-Africa Cup of Nations eNingizimu Afrika kulandela ukukhishwa kweBafana Bafana, lo mqhudelwano uyaqhubeka.
Iseminingi imidlalo elandelayo okulindeleke ibe sezingeni eliphezulu futhi ijabulise kakhulu ngebhola elihle.
Namuhla ngoMsombuluko ziholwa eqhulwini ngowe-Egypt neBenin okungangabazeki ukuthi uzoshuba kakhulu.
I-Egypt iqede phezulu eqoqweni layo obekukhona kulo iBafana, iWarriors yaseZimbabwe nePalancas Negras yase-Angola.
Yize kubonakale kulula kuyo ukudlula kuleli qoqo, kodwa ayizange ikhombise izinga elikhomba ukuthi ingaba ngompetha balo mqhudelwano.
Isiwunqobe amahlandla amaningi kunawo wonke amanye amazwe – isiyinqqobe amahlandla ayisikhombisa.
Ngemuva kwalo mdlalo wayo neBenin ozoqala ngo-6 ntambama, kuzobe sekulandela oweNigeria neMozambique, nawo okubhekwe ube sezingeni eliphezulu.
FUNDA NALA | IChiefs imataniswa nabeDowns nePirates
Amaqembu ezizogadulisana ngawo kowe-Egypt neBenin asekhishiwe kanti ziqiniselene impela.
ZITHOLE ZISHISA:Â Cofa lapha usithole kwiWhatsApp Channel yethu
