Seliphinde lagadla izembe komunye umqeqeshi kwiPSL
Sekunomunye umqeqeshi weqembu lePremier Soccer League (PSL) osedliwe izembe njengoba izinto zingalihamnbeli kahle.
IMarumo Gallants isimemezele ngokusemthethweni ukumiswa komqeqeshi u-Alexandre Lafitte ngoMsombuluko ekuseni.
Lesi sinqumo siza ngemuva kochungechunge lwemiphumela ephoxayo ebone iBahlabane Ba Ntwa ishelela ibheke ezindaweni ezisengozeni yokudliwa yizembe.
ISIZATHU SOKUMISWA KWAKHE
Esitatimendeni esinamagama aqinile, abaphathi beGallants baveze izizathu ezimbili eziyinhloko zokumiswa kwalo mqeqeshi oneminyaka engu-27 ubudala:
- Ukungathobeli imigomo yenkontileka: Izinkinga eziphathelene nokwehluleka ukufeza imisebenzi ethile ebalulwe kwinkontileka yakhe.
- Ukubhimba kwezinto enkundleni: Ukulahleka komgqigqo kwakamuva okwenze ikilabhu yadonsa kanzima ukuthola amaphuzu.
Okugqame kakhulu ukuhlulwa ngo 3-0 yi-Orlando Pirates nokudlala ngokulingana neRichards Bay.
“Ikilabhu izibheka ngeso elibukhali izindaba zokuphatha, ubungcweti, nokuziphendulela,” kusho isitatimende.
“Abaphathi bakhathazekile ngokungenzi kahle kweqembu njengamanje futhi bazomemezela umqeqeshi ozobamba ngokuhamba kwesikhathi.”
UMKHANKASO WOKUFUNA UMHLENGI
ULafitte, owalethwa ukuze ajike indlela yokudlala, uthwale kanzima ukujwayela izinga le-PSL.
Njengoba sekusele imidlalo engu-12 kuphela kule sizini, iGallants izithola esesimweni esibucayi:
- Indawo ekuyo njengamanje: Isendaweni ka-14 kwilogi yeBetway Premiership.
- Ifomu yakamuva: Inqobe kanye emidlalweni emihlanu edlule.
- Umdlalo olandelayo: Izobhekana neDurban City — nayo ebhekene nezinguquko ethimbeni labaqeqeshi kulandela ukushiya kuka-Ernst Middendorp.
UKUQONDISWA UBUGWEGWE
Ukumiswa kwakhe kuzolandelwa yisigungu sangaphakthi sokuqondiswa ubugwegwe.
Yize ikilabhu ingazange ichaze kabanzi “ngale misebenzi ekwinkontileka” angayenzi uLafitte, amahlebezi akhomba ukungqibuzana ethimbeni labaqeqeshi.
Kuvela ukuthi kube nokuhlukana kwemibono phakathi kwakhe nomqondisi wezokuqeqesha ngabadlali abasayinwe nabadayiswe ngoJanuwari.
Ikilabhu iqinisekise abalandeli ukuthi ukusebenza eqenjini kuyaqhubeka “njengokujwayelekile” ngaphansi kwamaphini akhe.
Sekuvele kusabalele amahlebezi okuthi abaqeqeshi bakudala uDylan Kerr noma uDan Malesela yibo okukhulunywa nabo ngokuthi bazovikisa iqembu izembe.
FUNDA NALA | UCardoso uphawula ngoSaleng ojike izinto kwiDowns
IMarumo Gallants isikuvezile ukuthuka kwayo ngesimo seqembu njengoba lishibilika libheke esembeni nje.
Ngokumisa uLafitte, ikilabhu ibheke ukujika izinto ngaphambi kokuba ukwehlela kwiMotsepe Foundation Championship kube yinto ebhekene nayo okwangempela.
