Owe-Orlando Pirates ucacisa eyokushintshwa kukaSipho Chaine
UMandla Ncikazi ushiye abalandeli bemangele ngesikhathi ekhipha isethenjwa sikanozinti uSipho Chaine i-Orlando Pirates ibhekene neTS Galaxy.
La maqembu womabili abekhiphana inkani e-Orlando Stadium emdlalweni weBetway Premiership ngoMgqibelo ntambama. Umdlalo uphele ngo 1-1.
I-Orlando Pirates bekulindeleke ukuthi iqhubeke nokuwina, ikakhulukazi njengoba uMandla Ncikazi ebephethe leli qembu okokuqala.
Unique umsebenzi wokuhola leli qembu kulandela ukuhamba kukaJose Riveiro ekuqaleni kwesonto.
Umdlalo wokugcina kaRiveiro kube yila iPirates inqobe khona ngo 3-0 ishaya iGolden Arrows ngoLwesibili ebusuku.
UNcikazi uphoqeleke ukuthi enze izinguquko ezimbalwa eqenjini emdlalweni wakhe wokuqala.
Bobabili abadlali abayizethenjwa esiswini uMakhehlene Makhaula noThalente Mbatha bebengekhoo kulo mdlalo.
Kodwa kube wukushintshwa kukaSipho Chaine ngesikhathi sekhefu okushaqise abaningi, kanti uMandla Ncikazi usesichazile isinqumo sakhe.
USipho Chaine ube ngumdlali obalulekile kwi-Orlando Pirates kule sizini njengoba edlalae imidlalo engu-44 kuyo yonke imiqhudelwano.
Akangenelwanga goli kwengu-20. Ukhishwe ngesikhathi kuyiwa ekhefini, indawo yakhe yathathwa nguMelusi Buthelezi.
“USipho ubenenkinga yomsipha wekaqala futhi selulekwa ngodokotela ukuthi ngeke akwazi ukuqhubeka nomdlalo,” kusho uNcikazi.
Uphinde wachaza ngokungabi khona kwabadlali basesiswini abamqoka uMakhehlene Makhaula noThalente Mbatha eqenjini elidlale neGalaxy ngoMgqibelo.
Uqale umdlalo ngoSimphiwe Selepe maphakathi nenkundla ebambisene noKabelo Dlamini.
“Ekuseni, silinyalelwe nguThalente Mbatha… ubeseqenjini ebelizoqala umdlalo. UMakhehlene Makhaula ube nokulimala emdlalweni wokugcina.
“Laba ngabantu futhi imizimba yabo izokhathala kwesinye isikhathi, kodwa siyilokho esiyikho.
“Mhlawumbe ake sihambe siyobheka umdlali olandelayo, okuwukunikeza umdlali osemncane ithuba ukuze sikwazi ukukhula.”
Emdlawlei olandelayo iPirates izobhekana neSuperSport United ePeter Mokaba Stadium ngoLwesibili.
UNcikazi uzothemba ukuthi iqembu lakhe lizodlala kangcono kulo mdlalo iSuperSport ezobe ibheke ukuwunqoba kwazise ilwela ukugwema izembe.
