Kubuye uYaya noMoremi kweleBafana eliya kwemqoka
Akubanga nasimanga esitheni eqenjini lokugcina leBafaa Bafana eliqokwe uHugo Broos azodlala ngalo imidlalo yokugcina yokuhlungela iNdebe yoMhlaba.
IBafana Bafana izobhekana neZimbabwe ngo-Okthoba 10 emdlalweni wasekuhambeni eMoses Mabhida Staidum eThekwini.
WINA | Ithuba lokuwina neVicks neLisenethini
Iyobe seyidlala owokugcina ekhaya eMbombela Stadium eNelspurit ngo-Okthoba 14 – yomibili yimidlalo okufanele nakanjani iyinqobe.
UBroos umemezele iqembu lakhe labadlali abangu-23 ngoLwesine ezindlini zokusakaza eSABC eziseMilpark eGoli.
Ubekade eqoqele ndawonye abangu-45 abezohlonza kubo laba abangu-23 azobe esehlasela ngabo kule midlalo okumele nakanjani ayinqobe.
FUNDA NALA | UBroos ufuna iyekwe eyokusolana ngekaMokoena
UTshepang Moremi osefomini enhle kwi-Orlando Pirates ungenile, kanti noSiphephelo Sithole ubuyile ngemuva kwesikhathi engekho ngenxa yokulimala.
- Onozinti – Williams, Goss, Chaine
- Abasemuva: Khoza, Mudau, Modina, Ndamane, Mbokazi, Matuludi, Kabini, Sibisi
- Abasesiswini: Mokoena, Sithole, Aubass, Mbatha
- Abaphambili: Morena, Appolliss, Mbule, Rayners, Foster, Moremi, Nkota, Mofokeng
