Izinkunzi zaseScotland zisha amashushu ngoMakhanya weBafana
Iqembu laseScotland, iGlasgow Rangers, kubikwa ukuthi selikhombise intshisekelo enkulu yokusayina umdlali wasemuva waseNingizimu Afrika, u-Olwethu Makhanya.
Kubikwa ukuthi umqeqeshi weRangers, uDerek McInnes, ufuna ukwengeza esinye isitobha eqenjini lakhe ngaphambi kokuqala kwesizini entsha.
Yize iRangers isivele isayinisile uBen Godfrey, kubikwa ukuthi uMakhanya usengomunye wabadlali ebacubungulayo.
Lo mdlali oneminyaka engu-22 ubudala usedlale imidlalo engu-53 kwiPhiladelphia Union selokhu ajoyina leli qembu leMajor League Soccer (MLS).
U-Olwethu Makhanya waqala umsebenzi wakhe webhola elikhokhelayo kwiStellenbosch FC ngaphambi kokuthuthela e-United States ngo-2023.
Uma lesi sivumelwano siphumelela, uzoba ngomunye wabadlali baseNingizimu Afrika abadlala eScotland.
- FUNDA NALA | Okuchaze uMatlou ngeStellies
Futhi lokhu kuzoba yisinyathelo esikhulu emsebenzini wakhe njengoba ezobe ejoyina elinye lamaqembu amakhulu kuleliya lizwe.
- EZISHISAYO|Â Cofa lapha usithole kuWhatsApp
