Izembe ‘linikwe uhlanya’ kwiStellenbosch, lugenca kwasani
I-Stellenbosch FC isiqale ngokusemthethweni ukulungisa iqembu layo ngaphambi kwesizini ka-2026/27.
Leli qemnbu seliqinisekise ukuhamba kwabadlali abaningana njengoba uGavin Hunt efun ukuzakhela kabusha.
Phakathi kwabanamagama abahambayo kukhona umakadebona kanozinti uLee Langeveldt.
Le nsizwa eneminyaka engu-39 ubudala iveze ukuthi isiyayeka ukudlala ibhola elikhokhelayo.
Nokho uzoqubeka kwi-Stellenbosch asebenze njengomqeqeshi wonozinti ezinkulisa zeqembu, naseqenjini labesifazane.
Omunye unozinti onamava, u-Oscarine Masuluke naye usendleleni ephumayo ngemuva kwamasizini amathathu.
Omunye unozinti uDejean Ah Shene naye ukhululiwe ngemuva kokuthi iqembu likhethe ukungayivuseleli inkontileka yakhe.
Abadlali basemuva uThabo Moloisane no-Athenkosi Mcaba nabo sekuqinisekisiwe ukuthi bayahamba.
Ngaphezu kwabo, kukhona noKazie Enyinnaya, Wayde Jooste, Olisa Ndah noKhomotjo Lekoloane kwabahambayo.
I-Stellenbosch iphinde yaqinisekisa ukuhamba kukaTshegofatso Mabasa, u-Asekho Tiwani noKobamelo Kodisang kulandela ukuphela kwesikhathi sokubolekwa kwabo.
- FUNDA NALA | Ligcwale umoya kumqeqeshi wakuleli phesheya
UKyle Jurgens obebolekiswe kwiDurban City, usezojoyina leli qembu laseThekwini ngokugcwele.
Iqembu libonge bonke abadlali abashiyayo ngeqhaza labo futhi labafisela okuhle kodwa ezahlukweni ezilandelayo zemisebenzi yabo.
