OwePirates nesibuyekezo esibalulekile ngoNkota
Njengoba abalandeli be-Orlando Pirates sebekubheke ngabomvu ukuphinde babone u-Mohau Nkota edlubhe imibala yaleli qembu, umqeqeshi usekhiphe isibuyekezo ngesimo sakhe.
U-Abdeslam Ouaddou useveze ukuthi uNkota angase aphinde ahlale ngaphandle amasonto amathathu kuya kwamane njengoba esalulama ekulimaleni.
UNkota usanda kubuyela kuleli qembu ngokubolekiswa yi-Al-Ettifaq yaseSaudi Arabia abeyijoyine ngoJanuwari.
Nokho, lo mdlali oneminyaka engu-20 akezukwazi ukudlala kwiPirates njengoba esagcinwe ngaphansi kweso lodokotela beqembu.
“UNkota uselashwa odokotela. Ngicabanga ukuthi walimala ngesikhathi esekwiqembu lakhe langaphambilini.
“Kodwa nginethemba lokuthi ngizoba naye emasontweni amathathu noma amane ezayo,” kusho u-Ouaddou.
Lokhu kusho ukuthi iPirates kusazomele ibekezele ngaphambi kokuthi uNkota atholakale ukuze asize iqembu emidlalweni.
Lo mdlali wasophikweni kulindeleke ukuthi abe enye yezinketho ezengeziwe ekuhlaseleni kwePirates uma eselulame ngokuphelele.
- FUNDA NALA | ISiwelele ihlonza abazovala esikaSeema
U-Mohau Nkota ukhulele eqenjini le-DStv Diski Challenge le-Orlando Pirates, wadlala imidlalo engu-39, washaya amagoli ayisikhombisa ngaphambi kokuthuthela eSaudi Arabia.
- EZISHISAYO| Cofa lapha usithole kuWhatsApp
