Isexwayiso kubalandeli ngoweRichards Bay nePirates
Amathikithi omdlalo owandulela owamanqamu weCarling Knockout phakathi kweRichards Bay FC ne-Orlando Pirates kulo Mgqibelo asedayiswe aphela.
Lokhu kumenyezelwe yiPSL kusasele amahora ambalwa ngaphambi kokuthi kuqale lo mdlalo oseMoses Mabhida Stadium. Umdlalo uqala ngo-3 ntambama.
Abalandeli sebewenzile owabo umsebenzi wokuqinisekisa ukuthi kuzoba mnandi enkundleni – sekusele kulamaqembu ukuthi nawo enze umsebenzi enkundleni.
KwiRichards Bay, leli yithuba elihle lokuqopha umlando ngokungena kowamanqamu okokuqala ngqa futhi selokhu yasungulwa.
Kulindelwe umdlalo osezingeni eliphezulu
Kwi-Orlando Pirates, lo mdlalo ubaluleke ngendlela efanayo. AmaBhakabhaka awakaze afike kulesi sigaba kulo mqhudelwano kusukela wethulwa eminyakeni emibili edlule.
Ukunqoba le ndebe yeCarling Knockout sekuyinto ehamba phambili kulezi ziqwhaga zaseSoweto ikakhulukazi ngemuva kokukhishwa kwiCaf Champions League.
Ukuthengwa kwamathikithi kukhombisa ukuthi lo mdlalo usho lukhulu kubalandeli bebhola baseNingizimu Afrika.
FUNDA NALA | U-Ouaddou uphendula eyokunyamalala kumaMabasa noSebelebele
Kodwa-ke, iziphathimandla zixwayise abalandeli abangenawo amathikithi ukuthi bangasondeli kwakusondela enkundleni ukuze kugwenywe ukuminyana kuqinisekiswe ukuphepha.
Njengoba kulindeleke abalandeli abangu-56 000, amaqembu amabili alambele impumelelo, lo mdlalo wangoMgqibelo uthembisa ukuba sezingeni eliphezulu.
Ekupheleni komdlali, yiqembu elilodwa kuphela elizobe selisalelwe yimizuzu engu-90 ukuthi linqobe le ndebe yeCarling Knockout.
ZITHOLE ZISHISA: Cofa lapha usithole kwiWhatsApp Channel yethu
