Ingwazi ye-Orlando Pirates iveza ‘ekuhlebele’ uSipho Mbule
Isihlabani sakudala se-Orlando Pirates, uTebogo Moloi, useveze akutshele umdlali omusha waleli qembu u-Sipho “MasterChef” Mbule.
Ukufika kuka-Sipho Mbule kwi-Orlando Pirates kuqubule isasasa elikhulu kubalandeli – kodwa nokukhathazeka.
Abanye abalandeli bakhathazekile ngempilo yakhe yangaphandle kwenkundla.
UMoloi usedalule ingxoxo enamandla neyimfihlo abenayo nomdlali wasesiswini.
“USipho kumele azi ukuthi akekho kwiPirates ngoba bayamdabukela. Ulapha ngenxa yethalente elimsulwa analo.”
Ukusho lokhu ekhuluma nabeKickOff. UMoloi uthe ukhumbuze uMbule ukuthi u-Irvin Khoza akayena usihlalo ojwayelekile.
“Usihlalo ungubaba. Usize abaningi bethu — ngisho nalabo abaziwa ngokuhlupha abafana noTso (Botsotso Makhanya) noMetroblitz (Mandla Sithole) phambilini.”
UMoloi wabe esevuma izono ezishaqisayo ngaye, ethi naye waka waba sesimweni esingesihle sokuhluleka ukuziphatha.
“Ngaphambi komdlalo wobungani ne-Arsenal, ngafika ekhempini ngabo-2 ekuseni. Futhi ngangingekho esimweni esihle.
“Kodwa usihlalo wama nami. Ngabuyela ebholeni ngendlela rfanele futhi ngasiza iPirates yanqoba iligi ngo-1994.”
Uthi no-Sipho Mbule unethuba elifanayo manje kwi-Orlando Pirates okufanele alisebenzise ukuzakhela umlando kule kilabhu.
“Ngimtshele into elula, ukuthi abantu bakhuluma ngoba sebekubonile angakwenza.
“Yena manje sekumele avumele ithalente lakhr lizikhulumele. Usihlalo uyakholelwa kuye.”
UMoloi uthi akazange amshumayeze ngokuziphatha. Kodwa uzame ukumkhuthaza uMbule.
“Angizange ngithi ‘dlalela kude notshwala’. Ngimtshele nje ukuthi: ‘Usekhaya manje. Veza ukubaluleka kwakho. Yenza abanikazi beqembu’,” kuqhuba le nkakha.
UMbule, obethule ekuqaleni, ushiye le ngxoxo esemamatheka futhi ejabule, ngokusho kukaMoloi.
“Ngibone uSipho ohlukile ngemuva kwalokho. Manje sekusele kuye ukuthi wenza njani,” kuqhuba uMoloi.
Okucacile manje wukuthi isikhathi sezana asisekho. Cishe elinye ithuba ngeke esalithola uma edlale ngaleli.
