IPirates nesimemezelo esimangazayo ngamathikithi edabhi

NgoLwesithathu emini, i-Orlando Pirates imemezele ukuthi amathikithi omdlalo wayo neKaizer Chiefs aseqalile ukudayisa.

Lo mdlalo weBetway Premiership uzoba ngoMgqibelo womhla ka-31 kuMfumfu eFNB Stadium.

Isasasa lawo liphezulu ikakhulukazi njengoba lamaqembi womabili esembangweni wesicoco seligi futhi eqale kahle kule sizini yize Amakhosi ebukeka ehlelwe umgqigqo.

Kuthe kusaphele amahora ayisithupha kumenyezelwe ukudayiswa kwawo, kwaphuma isimemezelo esithi asedayise aphela. 

IStadium Management nayo ikuqinisekisile ukuthi amathikithi angu-63 680 aqale ukuthengiswa ngoLwesithathu futhi asephelile. 

Amanye amathikithi abekelwe imincintiswano, abaxhasi nezihlalo zezicukuthwane.

Womabili la maqembu asazodlala imidlalo yawo yase-Afrika ngaphambi kokubhekana kulo mdlalo omkhulu. 

• FUNDA | I-PSL iqinisekisa indlela okuzoqhathwa ngayo kwiCarling KO

IChiefs izotholana phezulu neRed Arrows kwiCAF Confederation Cup, kanti i-Orlando Pirates izobhekana ne-African Stars kwiCAF Champions League.

• EZISHISAYO| Cofa lapha usithole kuWhatsApp