Ibophele kanje iPirates koweChampions League
I-Orlando Pirates ibheke ukuqoqa amaphuzu agcwele okwesibili esigabeni samaqoqo kwiCaf Champions League ngoMgqibelo ntambama.
Lezi zinkunzi zaseSoweto zinamaphuzu amane kuGroup C ngemuva kokushaya iCR Belouizdad nokubambana ne-Al Ahly.
NgoMgqibelo ngo-6 ntambama, eZimnyama zizogadulisana neStade D’Abijan esemsileni kuleli qoqo.
Uma inqoba kulo mdlalo, izonyukela esicongweni sale ligi okwesikhashana njengoba i-Al Ahly neBelouizdad bezodlala ngeSonto ntambama.
Uma kunqoba i-Al Ahly, izobe seyibuyela ekuziholeni phambili kanti uma kube yiBelouizdad, kuzoqhubeka yona iBucs nokuqhwakela.
Umqeqeshi wePirates, uJose Riveiro ukhethe ukuqhubeka neqembu asejwayele ukuqala ngalo yize abadlali abafana no-Olisa Ndah sebebuyile.
OLUNYE UDABA:
Lo mdlalo uzokhonjiswa kwiSABC Sport kwiwebhusayithi yakhona.
Chaine – Van Rooyen, Mako, Sibisi, Sesame – Nkota, Hotto, Mbatha, Makhaula, Mofokeng – Makgopa.
Ebhentshini: Buthelezi – Maela, Kimvuidi, Dlamini, Rasebotja, Mabasa, Viera, Tim, Monyane.
