IBafana ‘izovalelisa’ ngeNicaragua ngaphambi kweyoMhlaba
ISafa isiwuqinisekise ngokusemthethweni umdlalo wokugcina ozodlalwa iBafana Bafana ngaphambi kokuthi iye kwiNdebe yoMhlaba.
Leli qembu likaHugo Broos lizokwamukela ozakwabo baseCentral America iNicaragua e-Orlando Amstel Arena eSoweto.
Lamaqembu azozwana amandla emdlalweni wobungani ngoLwesihlanu, lukaMeyi 29.
IBafana ibisanda kuzwana amandla nePanama, kanti uBroos ukhethe enye imbangi yaseCentral America ukulungiselela inselelo yomdlalo wokuqala.
IBafana izobhekana nosokhaya iMexico emdlalweni wokuvula iNdebe yoMhlaba e-Estadio Azteca ngoJuni 11.
INicaragua, eyaziwa ngokuhlala emuva, nokuhlasela ngokushesha izumisa, izonika ezikaBroos umdlalo ezingawulindela kwiMexico.
Ukuyisa lo mdlalo e-Orlando Amstel Arena kuqinisekisa isimo la iBafana ingase ithole ukuvaleliswa okufanele.
Iqembu ezoqala ngalo lo mdlalo kulindeleke kube yilo uBroos ayogadla ngalo emdlalweni wokuqala phambi kwabalandeli abangu-90 000 abalindeleke eMexico City.
