I-Orlando Pirates emjahweni wokusayina unozinti ophambili wePSL 

I-Orlando Pirates kubikwa ukuthi isivele iqalile ukuhlelela isizini ezayo, njengoba leli qembu selihubha unozinti ovelele kwiPSL.

Lezi ziqhwaga zaseSoweto kuvela ukuthi sezihlonze uRenaldo Leaner oneminyaka engu-28 ubudala njengomunye wabadlali ezifuna ukuqinisa ngabo ngesizini ezayo.

Lokhu njengoba zibheke ukuqhubeka nokuqinisa isikwati sazo emkhankasweni weBetway Premiership ka-2026/27.

I-Orlando Pirates ibingazibekile phansi emakethe kulamawindi amabili edlule.

Isayine inqwaba yabadlali okubalwa kubo uSipho Mbule, Oswin Appollis noSihle Nduli, phakathi kwabanye — okuyenze yaqina kakhulu.

Lesi sikwati esisha sibambe iqhaza elikhulu ekugcineni iPirates iqinile embangweni wesicoco seligi.

Njengamanje iphusha ompetha abavikela lesi sicoco iMamelodi Sundowns esicongweni selogi.

Njengamanje amaBhakabhaka ahlezi endaweni yesibili kkulogi ngamaphuzu angu-54, kanti asele ngamabili nje kuphela kwiSundowns ngemuva kwemidlalo engu-23.

• FUNDA NALA | Baboyishaya kwiNdebe yoMhlaba onondweba bakuleli

Ngaphandle komkhankaso wayo oqinile, i-Orlando Pirates ibonakala izimisele ukwengeza ukujula ngesizini ezayo.

Nokho kungenzeka kudingeke imlwele lonozinti emfunayo njengoba eke wamataniswa neKaizer Chiefs phambilini. 

• EZISHISAYO | Cofa lapha usithole kuWhatsApp