IKaizer Chiefs nezijabulisayo kubalandeli ngoPhili

Sekuphelile ukuqagela. I-Kaizer Chiefs isimemezele ngokusemthethweni ukusayinisa umdlali wasesiswini u-Langelihle Phili osuka kwiStellenbosch FC.

Lo mdlali oneminyaka engu-21 ubudala usejoyine Amakhosi lapho ezoba ngomunye wabadlali okubhekwe lukhulu kubo.

Amakhosi amamukele ngokufudumele emndenini wawo, eveza ithemba lokuthi uzoba nempumelelo enkulu kule kilabhu.

UPhili ufika kwiChiefs ngemuva kokwenza kahle kwiStellenbosch, lapho eshaye khona amagoli angu-11 emidlalweni engu-72. 

Uphinde wasiza iqembu ukufinyelela kowamanqamu kabili kulandelana kwiMTN8 nokudlala imiqhudelwano emibili ilandelana yeCaf Confederation Cup.

Lo mdlali uphinde wagqama eqenjini lesizwe labaneminyaka engaphansi kuka-20, wanqoba iCaf Under 20 Africa Cup of Nations ngaphambi kokuyomela iNingizimu Afrika kwiNdebe yoMhlaba ka-Under 20 eChile.

Ngesizini edlule uPhili wenze ezibukwayo kwaze kwaba wukuthi unqoba izindondo ezine emcimbini wemiklomelo yeStellenbosch. 

• FUNDA NALA | UMabasa useqede ukuqagela ngekusasa lakhe

Unqobe eyePlayers’ Player of the Year, Young Player of the Year, Top GoalscorernoweSupporters’ Player of the Year.

IStellenbosch ibonge u-Langelihle Phili ngomsebenzi wakhe omuhle, yamfisela okuhle njengoba eqala isahluko esisha ne-Kaizer Chiefs.

• EZISHISAYO| Cofa lapha usithole kuWhatsApp