Ezintsha ngecala likaMogaila lokufa kwengane ena-9
Owayengumdlali weSekhukhune FC, u-Shaune Mogaila, uselivumile icala elihlobene nengozi yemoto eyabulala intombazane eneminyaka eyisishiyagalolunye eTembisa ngo-Okthoba 2024.
UMogaila, oneminyaka engu-29, uvele eTembisa Magistrate’s Court ngoLwesibili, wavuma icala lokubulala ngokungenhloso nelokwehluleka ukunikeza usizo ngemuva kwengozi.
Ingozi yenzeka ekuseni kwangomhla ka-30 kuMfumfu 2024 ku-Andrew Mapheto Road eTembisa.
UMogaila uvumile ukuthi imoto ayeyishayela yamphunyuka, yawela emzileni wezimoto ayehlangana nazo.
Yabe seyishayisana nemoto eyayishayelwa uKeo Mavimbela, ahamba nendodakazi yakhe uGomolemo nomakhelwane wabo oneminyaka engu-13.
UGomolemo washona kule ngozi, knti unina nalo mfana ababehamba naye balashwa esibhedlela izinyanga ezimbili.
Ngemuva kwengozi, uMogaila wasuka endaweni yesigameko ngaphambi kokuthi azinikele emaphoyiseni kamuva ngalolo suku.
Amaphoyisa aphinde athola izinto okusolwa ukuthi yizidakamizwa namabhodlela otshwala emotweni yakhe.
INational Prosecuting Authority (NPA) ithe u-UShaune Mogaila uvume wonke amaqiniso ahlobene namacala abebhekene nawo.
- FUNDA NALA | Uphenduka inyama phesheya uMofokeng
Inkantolo ibe isimthola enecala kuwo womathathu amacala abebekwe wona.
Udaba lube seluhlehliselwe umhla ka-17 kuLwezi ukuze kuqale inqubo yokugwetshwa kwakhe.
- EZISHISAYO| Cofa lapha usithole kuWhatsApp
