Enye ingwijikhwebu ngolwe-Royal AM i-PSL iphuma nesinqumo

Isikhathi se-Royal AM kwiPremier Soccer League (PSL) singase siphele maduze. 

Kubikwa ukuthi isigungu esiphezulu se-PSL sinqume ukunqamula ubulungu bale kilabhu.

Ngokubika kweSABC Sport, leli komiti libe nomhlangano obalulekile ngoLwesithathu ukudingida udaba lwallei qembu. 

Isinyathelo esilandelayo kuzoba umbuthano nawo wonke amakilabhu e-PSL ukuze agunyaze ngokusemthethweni isinqumo sokunquma i-Royal AM.

I-Royal AM sekuphele izinyanga ilwa nezinkinga zezimali nokuholele ekutheni i-PSL imise imidlalo yayo. 

Izinkinga zaleli qembu ziqale ngesikhathi abeSouth African Revenue Service (Sars) beshaqa impahla yalo ngezinsolo zesikweletu sentela sika-R40 million. 

Lokhu kuholele ekubambezelekeni kwamaholo, nokushiya kwabadlali kulandela ukuthi iDispute Resolution Chamber (DRC) yePSL ibavunile.

Ngaphezu kwezinkinga zemali, iRoyal AM ibibhekene nesigwebo sokuvinjelwa ukuthenga abadalli seFifa. 

Leli qembu belivinjelwe ukusayinisa abadlali ngenxa yezikweletu ezingakhokhiwe, okwenza kube nzima ukuthi libe nesikwati esanele ukudlala ezingeni eliphezulu.

Uma ukunqanyulwa kobulungu kuqinisekiswa, i-Royal AM izolahlekelwa isitifiketi sayo sokudlala kwi-PSL. 

Le kilabhu, ephethwe ngusomabhizinisi uShauwn “MaMkhize” Mkhize, ingase iphelele ezeni uma kwenzeka lokho.

Nokho kusangaba wudaba oluyogcina ezinkantolo uma efaka isicelo sokuphikisana nalesi sinyathelo sakamuva sePSL. 

Umyalelo wokugcina ngokwe-PSL ulele kubaphathi bamaqembu esigaba esiphezulu sale nhlangano.

Uma evotangokhambisana nesinqumo, kuyosho ukuphuma kweRoyal AM ezigabeni zePSL.

• FUNDA NALA | USipho Chaine uxwayisa ngokungaba yingozi kwiBucs

Amehlo manje asezbheka umhlangani olandelayo wePSL njengoba ibhola laseNingizimu Afrika libheke ukubona umphumela wallu talatiya lweRoyal AM.

• SIBAMBE NAKU-FACEBOOK | Lisenethini.co.za

Ikilabhu bekumele idayiswe endalini ngabakwaSars kodwa ukudayiswa kwashaya ingwijikhwebu ngesikhathi obekumele ayithenge ehluleka wukukhokha ngesikhathi.