BUKA: UNodada evula isipho sikazakwabo waseVenezuela
Bekuthi akandize uThabo Nodada weCape Town City ngemuva kokunikwa isipho nguzakwabo uDarwin Gonzalez.
Lesi sipho sikaThabo Nodada, esisongwe ngopulastiki abaningi, uGonzalez uthi ubuye naso kwelakubo eVenezuela futhi sikhethekile.
Ube esesidlulisela kuNodada omangazwa wukusinda kwaso nokuthi sisongwe ngendlela engavamisile ukusonga isipho.
Kodwa uyaqhubeka asiqaqe bese ekugcineni azithele phezu kwesitini sokwakha.
Le vidiyo ifakwe yiCape Town City ezinkundleni zokuxhumana kanti iveza amancoko abadlali ababanawo uma besejimini.
Abanye abadlali bayamhleka uNodada uma esethola ukuthi kanti lesi sipho sakhe ‘esikhethekile’ yisitina.
Abadlali beCity basekhefini njengamanje njengoba kuvalwe isizini engazange yehluke kweyedlule kubo.
ICitizens iphelele yesihlanu kwilogi yeDStv Premiership ngamaphuzu angu-45 emidlalweni engu-30.
Ishaye amagoli angu-32, yangenelwa angu-26. Nokho iqophe umlando ngosuku lokugcina lwemidlalo yeligi.
OLUNYE UDABA: Ukhonjwa kwelinye lePremiership ‘uMafavuke’ owuMiddendorp
Ibe yiqembu lokuqala nokugcina ukushaya iMamelodi Sundowns emdlalweni weligi ka-20233/24. Buka nansi ividiyo ngezansi:
