BUKA: IChiefs iphawula ngokubambana ne-Al Kholood eSpain

I-Kaizer Chiefs ithi iyajabula ngenqubekela phambili eyenziwa yiqembu ngemuva kokudlala ngokulingana ngo 1-1 ne-Al Kholood yaseSaudi Arabia.

Amakhosi aphinde abambana okwesibili kulandelana kulandela umphumela ofanayo neGlasgow Rangers emdlalweni wokuqala wokuzilungiselela isizini.

Ngemuva komdlalo, iChiefs ithumele umyalezo ezinkundleni zokuxhumana, yathi umdlalo ube yisifundo esibalulekile.

“Siyaqhubeka nokukhula. Sibambane ngo 1-1 ne-Al Kholood yaseSaudi Arabia emdlalweni wethu wesibili wokuzilungiselela isizini eSpain.

“Kube esinye isivivinyo esibalulekile. Kube ngesinye isinyathelo esiya phambili,” kubhala i-Kaizer Chiefs.

UWandile Duba nguyena oshayele Amakhosi igoli lokuqala ngomzuzu ka-15, kodwa i-Al Kholood yalinganisa ngomzuzu ka-82.

I-Kaizer Chiefs izophetha uhambo lwayo lwaseSpain ngomdlalo wobungani ne-Elche CF ngoMgqibelo ngaphambi kokubuyela eNingizimu Afrika.

• FUNDA NALA | UMthiyane udalula inselelo yePirates

Ekufikeni kwayo kuleli, izobe seyidlala umdlalo wokugcina wokuzilungiselela neScotland FC yaseZimbabwe ngoJulayi 27.

Buka okwenzeke kulo mdlalo wayo ne-Al Kholood kwividiyo engezansi:

• EZISHISAYO| Cofa lapha usithole kuWhatsApp