AkuYanela Mbuthuma amathemba e-Orlando Pirates koweBay
Umgadli uYanela Mbuthuma uqokwe ukuthi ahole ukuhlasela kwe-Orlando Pirates uma seyibhekene neqembu azakhele kuko igama iRichards Bay FC.
UMbuthuma usuke kwiNatal Rich Boyz waya kulezi ziqwhaga zaseSoweto ngoJulayi nyakenye.
Usefike washeshe waphenduka “isosha elithenjwayo” lomqeqeshi u-Abdeslam Ouaddou kwiBucs.
Namuhla ebusuku, unomthwalo omkhulu wokubhodloza udonga lwasemuva lweBay – okuyinto okufanele ukube uyayazi njengoba ebedlala nabo ngesizini edlule.
UKUSHISA KOMBANGO WESICOCO
Lo mdlalo usuphenduke obhekwe ngabomvu njengoba amaBhakabhaka engeke esakhona ukuhlulwa noma ukudlala ngokulingana kuwo.
Lokhu kulandela ukunqoba okuhlanzekile kweMamelodi Sundowns ngoLwesibili okuyibuyisele esicongweni selogi yeBetway Premiership.
I-Orlando Pirates manje isilandela ompetha abavikela isicoco ngamaphuzu amathathu ngaphambi komdlalo wangoLwesithathu.
Noma yikuphi ukushelela namhlanje kusihlwa kungabeka amaBrazilians ethubeni elingcono ngokomqondo nangokwezibalo emjahweni wesicoco.
UMTHWALO KAMBUTHUMA
Ukuqala ngoYanela Mbuthuma’ kuka-Ouaddou kubukeka kuyinto ekhaliphile njengoba enekhono lokukhathaza izitobha.
Kuzothi uma sezidele inkani, bese ededela u-Evidence Makgopa onamava ukuba azoqedela umsebenzi.
- Ibophele kanje iPirates: Chaine, Seema, Sibisi (C), Hotto, Sebelebele, Makhaula, Mbatha, Maswanganyi, Mofokeng, Appollis, Mbuthuma.
- Ebhentshini: Buthelezi, Chabatsane, Ndaba, Van Rooyen, Dansin, Nemtajela, De Jong, Moremi, Makgopa
- IRichards Bay ibophele kanje: Otieno, Mabuya, Mntungwa, Sikhakhane, Mcineka, Mthethwa, Gumede, Mthembu, Zikhali, Barns, Mahala
- Ebhentshini: Mtshali, Mutizwa, Ngema, Mzobe, Ndelu, Khumalo, Nzama, Tuli
Amehlo wonke akuYanela Mbuthuma ukubona ukuthi angakwazi yini ukuhlupha ozakwabo bakudala.
FUNDA NALA | Kubatshazwa ohlolwa yiChiefs
Njengoba sekusele imizuzu umdlalo uqale, ingcindezi ikwiPirates njengoba kufanele inqobe kumnyama kubomvu.
