AbeCT City bahlolwa yikilabhu yaseBelgium

Izihlabani ezisafufusa zeCape Town City FC uJody Ah Shene noShakeel April sezithathe igxathu elikhulu elibheke e-Europe.

Lokhu kungemuva kokuvela kokuthi bafulathele elakuleli, balibangisa eBelgium ngoMgqibelo ukuyohlolwa yiRoyal Antwerp.

Lezi zindaba ziqinisekiswe ngemuva nje kokuthi laba bobabili bebonakale emdlalweni weCity neHighbury FC ngempelasonto.

Lesi sikhathi sokuhlolwa kwabo simele ingqopha-mlando emsebenzini walaba badlali abasebancane.

Kuphinde kuqinisekise ukuzibophezela kweCape Town City ekuvuleleni abadlali bayo indlela eya e-Europe. 

Imithombo esondelene neqembu iveze ukuthi ubude besikhathi abazohlolwa sona laba badlali abukaziwa futhi buzoncika ngokuphelele kubo abadlali.

Uma bobabili behlaba umxhwele ithimba labaqeqeshi leRoyal Antwerp, bangase babolekiswe noma badayiswe ngokugcwele kule kilabhu yeBelgian Pro League.

IRoyal Antwerp ihlonishwa kakhulu ngezinhlelo zayo ezihlelekile zokuthuthukiswa kwabadlali abasebancane laseBelgium. 

U-Ah Shene no-April kuzodingeka ukuthi babonise hhayi kuphela izinga labo, kodwa nokukwazi kwabo ukulandela amacebo okudlala ezingeni elinengcindezi ephezulu.

FUNDA NALA | Okujabulise oweChiefs ngoBaartman

KwiCape Town City, lesi sinyathelo siphinde iyiqinise idolo ngenkulisa yayo okuyiyo ekhiqize laba badlali. 

ZITHOLE ZISHISA: Cofa lapha usithole kwiWhatsApp Channel yethu