Zivele zakhala, iChiefs iqhathwe neDowns

• Sibongiseni GUMBI

Kuzosala eyodwa inkunzi kwiCarling Knockout ngemuva komzuliswano wesibili kwiCarling Knockout njengoba kuzohlangana iKaizer Chiefs neMamelodi Sundowns. 

Lo mdlalo yiwo ozobhekwa kakhulu njengoba emaqenjini athathwa ngamakhulu kuleli kusele wona lamaqembu.

Ezinye izinkunzi zebhola lakuleli, i-Orlando Pirates zibhuliswe amazolo womakoti beligi iMagesi FC ngoMgqibelo. 

IChiefs ifike kulesi sigaba ngokuququda kalula iSuperSport United, eyishaye ngo 4-0, ishiya uGavin Hunt engakholwa. 

ISundowns yona ifike ngokuzidlela amahlanga kwiGolden Arrows, eyishaye ngo 5-0 ngoMgqibelo ebusuku. 

IPSL ithembise ukuthi izolukhipha ngokuhamba kwezinsuku ulwazi ngezinkundla nezikhathi zale midlalo okubhekwe ibe semavikini amabili ukusuka manje. 

• OLUNYE UDABA: UMokwena akamdingeli ukudlala kuphela uZungu kwiWydad

• Ziqhathwe kanje: Richards Bay FC v Cape Town City;  Kaizer Chiefs v Mamelodi Sundowns; TS Galaxy v Magesi FC; Marumo Gallants v Stellenbosch FC