UNabi usola abagxeka uYusuf Maart kwiKaizer Chiefs
Umqeqeshi weKaizer Chiefs, uNasreddine Nabi, usevikele ukaputeni wakhe uYusuf Maart ngemuva kokugxekwa kwakamuva.
UYusuf Maart uqokwe njengomdlali ovelele ngesikhathi iKaizer Chiefs inqoba ngo 2-1 kowamanqamu weNedbank Cup ihlula i-Orlando Pirates.
Nguye oshaye igoli lokunqoba eMoses Mabhida Stadium, esiza iChiefs ukuqeda isomiso sezindebe seminyaka eyishumi.
UGaston Sirino ubebeke iChiefs phambili, kwathi u-Evidence Makgopa washaya igoli lokulinganisa ngaphambi kokuthi uMaart ashaye elokunqoba.
UNabi uncome ubuholi bukaMaart nokusebenza kwakhe ngokuzikhandla ngaso sonke isikhathi, ebiza ukugxekwa kwakhe ngokuthi “akufanele.”
Ingwazi yeKaizer Chiefs uMarks Maponyane isanda kuveza ukungabaza kwayo ukufaneleka kukaYusuf Maart ukuba ngukaputeni wale kilabhu.
Kodwa-ke, uNabi ukholwa ukuthi uMaart uwukhiye wekusasa leqembu futhi uyakwazisa ukuziphatha kwakhe ngaphakathi nangaphandle kwenkundla.
“Kuyiqiniso ukuthi kwesinye isikhathi abalandeli basebenzisa imizwa kakhulu, futhi bebefuna sinqobe indebe ngayo yonke indlela.
“Kwesinye isikhathi basebenzisa imizwa ukubhekana nezimo zeqembu, uma uqaphelile nangesikhathi sishintsha uThabo Cele, abazange bajabule,” kusho uNabi.
“Thina nesazi ukuthi senzani, futhi ngakolunye uhlangothi, umdlali ofana noYusuf Maart uyagqilazwa kakhulu ngokuhlaselwa kungafanele.
“Abantu bayakungabaza ukufaneleka nobuholi bakhe nanjengomdlali weChiefs, kodwa siyalibona igalelo lakhe,” kwengeza uNabi.
“Umlayezo wethu kubalandeli ukuthi siyabadinga ezikhathini zethu ezimbi kakhulu ukuthi baisekele, futhi basiphakamise.”
UYusuf Maart, obedlala kwiSekhukhune United, ngaphambi kokujoyina iKaizer Chiefs, usedlale imidlalo engu-32 kuyo yonke imiqhudelwano kule sizini.
Kuleyo midlalo usjaye amagoli amathathu, wabe esakhela ozakwabo amathathu.
