Zibophele kanje – iyobanjwa esithele nayo koweChiefs neDowns
IMamelodi Sundowns iwuqala ngeqembu eiqine kakhulu umdlalo wayo weBetway Premierhsip neKaizer Chiefs oseFNB Stadium ngoLwesithathu ebusuku.
Leli qembu laseTshwane libheke ukugeza igama kulo mdlalo kulandela ukuhlulwa kwalo yi-Orlando Pirates kwiMTN8 ngempelasonto edlule.
Umqeqeshi weSundowns, uMiguel Cardoso unengcindezi yokunqoba kulo mdlalo njengoba abalandeli sebeqalile ukuveza ukungeneliseki kwabo ngaye.
Uphume ngesamagunwane eLucas Moripe Stadium ngemuva kokuhlulw ayiPirates njengoba abalandeli bebecela ‘ukuxoxa’ naye kancane.
Abanye babalandeli bathi awukho umehluko awenzile kwiSundowns ngakho naye kumele axoshwe njengoRulani Mokwena owaxoshwa kade enqobe isicoco seligi.
Isizathu esaphuma ngokuxoshwa kukaMokwena kwathiwa yingoba uhlulekile ukunqoba iCaf Champions League kanti noCardoso uhlulekile.
Okunye okuzwelayo kubalandeli wukuthi nebhola elidlalwa yiSundowns ngaphansi kukaCardoso alisabagculisi abalandeli.
Nokho ubuyisele uThapelo Morena eqenjini – uzodlala emuva kwesokudla. Kwesokunxele uqalise uFawaaz Basadien.
FUNDA NALA | UWilliams uthi kumuncu kwiDowns
KwiChiefs – eyamukela umqeqeshi wayo uNasreddine Nabi okokuqala kule sizini – kuqaliswe uPaseka Mako kwesokunxele emuva, ethatha indawo kaBradley Cross.
Nomgadli omusha waMakhosi, uFlavio Da Silva kungenzeka abonakale okokuqala njengoba ekhona ebhentshini okokuqala kule sizini.
- Ibophele kanje iChiefs: Petersen – Mako, Inacio, Kwinika, Monyane – Mmodi, Lilepo, Mthethwa, Cele, Shabalala – Duba
- Ebhentshini: Ntwari, Frosler, Cross, Ndlovu, Ngcobo, Sirino, Du Preez, Vilakazi, Da Silva
- ISundowns ibophele kanje: Williams – Morena, Basadien, Khoza, Cupido – Mathews, Adams, Mokoena, Allende, Sales – Rayners
- Ebhentshini: Onyango, Lebusa, Mdunyelwa, Modiba, Aubass, Mabena, Lethlaku, Shalulile, Mothiba
