Uzobe engekho uMbokazi iBafana ingena kumqeqeshi omusha
Isitobha seBafana Bafana u-Mbekezeli Mbokazi useshaywe yishwa ngemuva kokuthi kuqinisekiswe ukuthi ngeke esadlala kule sizini kwiMajor League Soccer.
Lokhu kungenxa yokulimala ethangeni akuthole ngenyanga edlule ejimini yaleli qembu.
Umqeqeshi nomqondisi wezebhola weChicago Fire, uGregg Berhalter, ukuqinisekisile ukuthi lo mdlali ngeke esakwazi ukudlala kule sizini.
Yize engafakwanga ohlwini lwabadlali abazophuthelwa yisizini yonke ngokusemthethweni, kulindeleke ukuthi aphuthelwe okungenani imidlalo eyisithupha ezayo.
Lokho kwenza kube nzima ukuthi abuye ngaphambi kokuphela kwesizini.
U-Mbekezeli Mbokazi ube nesizini enhle kakhulu selokhu ejoyine iChicago Fire esuka kwi-Orlando Pirates yaseNingizimu Afrika.
Useqale imidlalo engu-12 kwengu-13 ayidlalile kuyo yonke imiqhudelwano futhi waze waqokelwa kwiqembu leMLS All-Star ngaphambi kokulimala.
Lokhu kusho nokuthi ngeke abe yingxenye yeBafana Bafana emidlalweni yokuhlungela i-Afcon ka-2027 ezodlalwa ngoSepthemba ngaphansi komqeqeshi omusha.
- FUNDA NALA | OweLeopards ufuna iMadlanga kwiPSL
U-Mbekezeli Mbokazi ube ngomunye wabadlali abavelele kwiNdebe yoMhlaba ka-2026, edlala yonke imidlalo yeBafana.
- EZISHISAYO| Cofa lapha usithole kuWhatsApp
