UThapelo Maseko ubhoboke ngezinsuku ezingu-662 ‘zobunzima’
UThapelo Maseko akalikalanga ngendlela ejwayelekile yamakhilomitha ibanga eliphakathi kwePitoli neLimassol.
Kodwa ulikala ngezinsuku ezingu-662 azichithe elinde ithuba lokudlala kusukela kukhala impempe yokuqala komdlalo.
Lo mdlali wasesiswini weMamelodi Sundowns njengamanje ubolekiswe kwi-AEL Limassol eCyprus.
Uzohlala kuze kuphele le sizini, futhi kuleli sonto kwenzeke into emenze wazibona ukuthi uthathe isinqumo esifanele ngokuthutha eChloorkop.
Ngokokuqala ngqa cishe eminyakeni emibili, uThapelo Maseko ubone igama lakhe ohlwini lwabadlali abaqala umdlalo.
Ube esedlala imizuzu engaphezu kuka-80 emdlalweni onzima weCyprus League bebhekene nePafos FC.
INTOBEKO
Ube esengena kwi-Instagram la abe eseveza umuzwa wakhe osuse umunyu kubalandeli nozakwabo bakudala.
Ukusebenzisa kwakhe “izinsuku ezingu-662” kuchaza isikhathi sokugcina la ayengumdlali ojwayele ukuqala umdlalo.
Ngeleso sikhathi wayesadlala kwiSuperSport United ngaphambi kokuthuthela eChloorkop ngo-2023.
OKUMBAMBEZELE KWIDOWNS
Esanda kufika kwiSundowns, uMaseko uqokwe njengomdlali ovelele kwi-African Football League (AFL) ngasekupheleni kuka-2023.
Nokho inqubekela phambili yakhe kwiSundowns ibanjezelwe ukulimala okuphindelelayo nokufika kwabadlali bamazwe ngamazwe abafana noLucas Ribeiro no-Arthur Sales.
“Izinsuku ezingu-662 ngingawuqali umdlalo. Ngifunde isineke.. Ngafunda ukuthobeka.. Ngiphinde ngazithola ukuthi ngingubani.
“Izolo ebusuku kwenzeke engiphelelwa amagama okokuchaza,” kubhala lo mdlali.
KUGIYE UGAVIN HUNT
Ukuthuthela e-Cyprus ngoJanuwari 2026 kubonakale “njengokucosha inkinobho yokusetha kabusha umsebenzi wakhe”.
Kuze kube manje, lo mnyakazo uthela izithelo ezinhle njengoba uMaseko ezithola kabusha:
- Umthelela osheshayo: Ushaye igoli lakhe lokuqala eqenjini bedlala kwiCyprus Cup bebhekene no-Omonia Nicosia emasontweni ambalwa efikile.
- Umgqigqo: Ubonakale emidlalweni emine kweyisihlanu edlule ye-AEL, kancane kancane ubuyela esimweni sokulungela ukudlala njalo.
- Ukwesekwa: Owayengumqeqeshi wakhe kwiSuperSport, uGavin Hunt ube kulabo abajabula naye.
Lo makadebona womqeqeshi uphawule kanje: “Ngiyajabula ukuthi uThaps wakudala uebuyile.”
YINI ELANDELAYO?
I-AEL Limassol njengamanje ihlezi maphakathi nelogi, kodwa ukufika kukaMaseko — ehambisana nozakwabo wakuleli uLuther Singh — kwengeze isinongo esihlukile.
KuThapelo Maseko, inhloso ilula: ukusebenzisa izinyanga ezisele zale sizini ukukhombisa uHugo Broos ukuthi usekulungele ukubuyela ebholeni lomhlaba.
FUNDA NALA | Ingabe iDowns ifihle induku emqubeni ngoSaleng?
Indaba kaMaseko iyisikhumbuzo sokuthi “ubukhazikhazi” bokuthuthela ekilabhini enkulu kwesinye isikhathi kuba wukuzifaka ejele.
Ngokuphuma endaweni ayijwayele aye eCyprus, uMaseko akakatholanga ithuba lokuqala imidlalo nje kuphela — uphinde wathola nomgqigqo wakhe.
