Usezanyelwe ikhaya elisha unozinti weChiefs
Unozinti we-Kaizer Chiefs, uFiacre Ntwari, usetholelwe elinye iqembu azodlala kulo ngesizini ezayo.
Sekuvele ukuthi lo nozinti odabuka eRwanda usejoyine iKruger United ngokubolekiswa yiChiefs isizini eyodwa.
Lesi sinqumo senzelwe ukuthi athole isikhathi esengeziwe sokudlala njengoba ebengadlali njalo kuMakhosi.
UNtwari wajoyina i-Kaizer Chiefs ngenhloso yokuqinisa konozinti, kodwa uhlulekile ukuzakhela indawo eqenjini eliqala imidlalo ngenxa yokulimala nokushuba kombango.
IKruger United inethemba lokuthi uzoletha ulwazi nekhono emuva, kanti naye uzosebenzisa leli thuba ukubuyisa ukuzethemba nokukhombisa amakhono akhe.
Uma enza kahle ngesikhathi ebolekisiwe, kungenzeka i-Kaizer Chiefs imbuyise eselungele ukulwela indawo yakhe noma avulelwe amathuba okujoyina elinye iqembu unomphela.
Abalandeli bazobe bebheke ngabomvu ukubona ukuthi uzokwenza kanjani esahlukweni sakhe esisha neKruger United.
- FUNDA NALA | UBroos nesimemezelo ngekusasa kwiBafana
Leli qembu laseMpumalanga lingomakoti kwiBetway Premiership njengoba lenyukele kulesi sigaba ngemuva kokunqoba iMotsepe Foundation Championship ngesizini edlule.
Selenze izinququko ezinqala kubadlali kusukela lithole indawo kule ligi ephezulu, kanti ukufika kukaNtwari kuzokwengeza amava emuva.
- EZISHISAYO|Â Cofa lapha usithole kuWhatsApp
