ULarsen uthuse abaningi esula kwiMagesi
- Intatheli yeLISENETHINI
UClinton Larsen wehlile esikhundleni sokuba ngumqeqeshi weMagesi FC ngokushesha, okushiye abalandeli abaningi bengakholwa.
Ukwesula kwakhe ukumemezele ngemuva kokuhlulwa ngo 3-0 yi-All-Stars e-Orlando Stadium ngoMgqibelo ntambama.
“Lona umdlalo wami wokugcina kwiMagesi Football Club,” uLarsen uqinisekise kwiSuperSport TV ngemuva komdlalo.
Yize iMagesi inqobe iCarling Knockout Cup, ihlula iMamelodi Sundowns ngenyanga edlule, kepha kwiligi ayenzi kahle.
ULarsen ujoyine iMagesi ngoJanuwari 2022 isadlala kwiMotsepe Foundation Championship, wayivikisa izembe.
Ngesizini edlule uyinqobise isicoco kwiChampionship, yakhuphukela kwiMagesi.
ULarsen usemataniswa nomsebenzi wokuqeqesha iRichards Bay noma iGolden Arrows KwaZulu-Natal.
Womabili lamakilabhu okwamanje awanabaqeqeshi njengamanje.
