Friday, October 16, 2026
Izindaba ezintsha:
While Benni McCarthy and Rulani Mokwena are not expressing interest in the Bafana Bafana job, Arthur Zwane, who coaches AmaZulu FC, has thrown his hat into the ring and applied for the position
Bafana BafanaEzintsha

UMcCarthy noMokwena ‘abazishayi’ ngoweBafana 

1 min read

Abanye babaqeqeshi abebebhekwe ekcijeni iBafana Bafana oRulani Mokwena noBenni McCarthy abekho ohlwini lwabaqeqeshi abahlolwa yiSouth African Football Association (Safa).

ISafa njengamanje icinga umqeqeshi ozothatha lo msebenzi ngemuva kukaHugo Broos okulindeleke ashiye kwiBafana.

UBroos uqede iminyaka emihlanu ephethe iqembu lesizwe futhi usanda kuhola iBafana iqopha umlando ngokufika emzuliswaneni womkhumulajezi kwiNdebe yoMhlaba. 

Nakuba bekukhona imibono yokuthi angaqhubeka esebenza kwaSAFA noma aqhubeke njengomqeqeshi, inhlangano isiqalile ukuhlola izicelo zabafuna lo msebenzi.

Kubikwa ukuthi umqeqeshi weMamelodi Sundowns wakudala uPitso Mosimane usefakile isicelo sakhe sokubuyela ekuqeqesheni iBafana. 

Wesekwa nangungqongqoshe wezemidlalo uGayton McKenzie, kanti umlando wakhe uhlanganisa ukunqoba izindebe zeCaf Champions League neSundowns ne-Al Ahly.

Ngakolunye uhlangothi, u-Rulani Mokwena, oseqeqesha i-Al Ittihad SC yaseLibya, akazange asifake isicelo. 

Lo mqeqeshi oneminyaka engu-39 ubudala akakaze aqeqeshe iqembu lesizwe phambilini.

Kanjalo no-Benni McCarthy, ongumqeqeshi weKenya njengamanje, naye akasifakanga isicelo. 

Lo mgadli wakudala weBafana ugxile ekwakheni iqembu laseKenya elizodlala i-Afcon ka-2027, ezosingathwa yiKenya, Uganda neTanzania.

Kulindeleke ukuthi iSafa imemezele umqeqeshi omusha ngaphambi kuka-1 Agasti ukuze aqale amalungiselelo emidlalo yokuhlungela i-Afcon ka-2027.

Njengoba u-Benni McCarthy no-Rulani Mokwena bengazishayi ngeBafana, u-Arthur Zwane ocija AmaZulu FC yena usifakile isicelo salo msebenzi. 

Ezinye ongazithanda

Pitso Mosimane confirmed that neither player has trained with Bafana Bafana since the squad arrived in Cairo.

UMosimane nezindaba ezimbi ngeBafana ngaphambi kowe-Eritrea

Relebohile Mofokeng dismissed Mpho Padime's suggestion that the jersey number should be retired in his honor.

UMofokeng uveza akutshela uPadime ethatha uNombolo 38

Mbhele reiterated that eThekwini Municipality does not pay to host these matches at Moses Mabhida Stadium, despite growing allegations to the contrary.

OkaMaspala uphendula izinsolo ngeMoses Mabhida neMTN8