U-Ashley Du Preez uhlaba indlela yokucabanga kwabeChiefs
Umgadli weKaizer Chiefs u-Ashley Du Preez indlela isimo somqondo esiba yiyo emidlalweni yendebe yiyo eyenze benza kahle kwiNedbank Cup kuze kube manje.
Ukholwa ukuthi iChiefs iya emidlalweni yendebe ngendlela ehlukile uma kuqhathaniswa nemidlalo yeligi.
U-Ashley Du Preez ubekhuluma eseKaizer Chiefs Village ngaphambi komdlalo wangoMgqibelo weBetway Premiership neMarumo Gallants eFNB Stadium.
Amakhosi asesengcupheni yokuphinde aphuthwe yiMTN8 isizini yesibili kulandelana.
Nokho ngaphansi komqeqeshi uNasreddine Nabi, iChiefs isifinyelele kowamanqamu weNedbank Cup.
Izobhekana kuwo ne-Orlando Pirates ngoMeyi 10 eMoses Mabhida Stadium eThekwini.
IChiefs ishaye iStellenbosch kuma-quarterfinal yabe seyimangaza iMamelodi Sundowns kowandulela owamanqamu.
U-Ashley Du Preez nguye owashaya igoli lokunqoba bedlala neSundowns, wafaka iKaizer Chiefs kowamanqamu okokuqala kusukela ngo-2019.
Kodwa koweligi, iChiefs ayikanqobi emidlalweni yayo emihlanu edlule nokuyinto ekhathaza kakhulu.
“Kimina, umehluko wumqondo,” kusho uDu Preez. “Sidinga ukuya kuwo yonke imidlalo ngendlela efanayo.”
Ugcizelele ukuthi iqembu akumele linyuse amasokisi uma lidlala umdlalo wendebe kuphela.
“Sidinga ukuthola indlela yokwenza ngendlela efanayo, siye emdlalweni ngamunye ngomqondo ofanayo.
“Besenza kahle endebeni ngoba sizitshela ukuthi sifuna ukunqoba indebe.
“Kodwa ukugxila okukhulu akufanele kube emidlalweni yendebe kuphela. Sifuna ukuyiwina nemidlalo yeligi.
“Uma sizodlala neSundowns noma iPirates siyakhuthazeka futhi sikulwele ukunqoba.
“Kodwa uma sibhekene namaqembu abizwa ngamaqembu amancane asikwenzi lokho futhi asiqinisi ngendlela efanayo.”
Njengoba amaphuzu atholakala emidlalweni yeRoyal AM ezosulwa wonke, iChiefs kungenzeka izithole ingaphandle kweTup 8.
Kuzomele iqale ukuqoqa amaphuzu aphelele ukuze ilivike ihlazo lokuqeda ngaphandle kwayo okwesibili kulandelana.
