Okusha ngoLilepo nekusasa lakhe kwiKaizer Chiefs
Kubikwa ukuthi umgadli we-Kaizer Chiefs, u-Glody Lilepo usecele abaphathi baleli qembu ukuthi bamvumele ahambe ngaphambi kokuqala kwesizini ka-2026/27.
Lo mdlali waseDemocratic Republic of Congo kuthiwa wazise iChiefs ngesifiso sakhe sokufuna inselelo entsha.
Nokho, kubikwa ukuthi iChiefs ayizimisele ngokumdayisa njengoba isamdinga ngesizini ezayo.
Amakhosi kulindeleke ukuthi adlale emiqhudelwaneni yamazwe omhlaba, futhi abona uLilepo njengomunye wabadlali ababalulekile.
Kubikwa ukuthi izingxoxo phakathi kukaLilepo neChiefs zisasaqhubeka ngenhloso yokuthola isixazululo ngaphambi kokuqala kwesizini entsha.
Lo mdlali usale ngemuva ngesikhathi iChiefs ilibangisa eSpain lapho iyolungiselela khona isizini entsha.
Ngakolunye uhlangothi, amaqembu aseMorocco, iRaja Casablanca, nelaseLibya, i-Al Ittihad SC, kuthiwa anentshisekelo yokusayinisa lo mdlali.
Kusazobonakala ukuthi i-Kaizer Chiefs izosiguqula yini isinqumo sayo noma izomgcina u-Glody Lilepo njengoba ilungiselela umkhankaso omusha.
