Luzanyelwa kwiPSL unkonko lukanozinti waseSenegal
Unkonko lukanozinti odabuka eSenegal, uBoubacar Fall luzayelwa iqembu kwiPSL njengoba lufuna inselelo entsha emsebenzini walo webhola.
Lo nozinti – ongu-1.98 wamamitha ubude – usanda kuhlukana neqembu abedlala kulo kwiLigue 2 eFrance, iSaint-Ettiene.
Leli qembu alizange liyivuselele inkontileka yakhe uma iphela ngoJuni, kanti ngokubika kweSoccer Laduma, abamphethe bamfunela ikhaya elisha.
Kuthiwa ekufuneni kwabo iqembu la ezikhula khona lo nozinti oneminyaka engu-24 ubudala, sebehlonze iPSL njengenamaligi angamnika inselelo efanele.
“UBoucacar ufuna iqembu elizoba yindawo azokwazi ukuqhubezela phambili umsebenzi wakhe ngemuva kokushiya kwiSaint-Etienne,” kucashunwe ommele esho kanje.
“Sisahlaziya izinketho esinazo kumaligi ahlukene, futhi iPSL nayo ingenye yesibheka kuwo ngoba inamaligi anomncintiswano omkhulu namaqembu aphethwe ngobungcweti.”
FUNDA NALA | UMoloi ukhuza ihaba kubalandeli bePirates
Njengoba onozinti bethanda ukuba yinkinga ebholeni lakuleli, uFall engase angakutholi kunzima ukuthola iqembu futhi azinze kuleli.
Amaqembu amaningi akuleli anonozinti bangaphandle ngenxa yakho ukuthi sebethanda ukuba yivelakancane abakuleli abasezingeni elifanele.
