Lafa kanjalo ikhehla! IMilford ayiyi kowamanqamu

Kwale inhlanhla kwiMilford FC iwasha ijezi kwiNedbank Cup, ihlulwa yiTS Galaxy ngo 4-3 sekukhahlelwa amaphenathi.

I-TS Galaxy yiyo esizodlala owamanqamu la izobhekana khona neDurban City ngosuku olusazoqinisekiswa yiPSL.

Nenkundla okuzodlalwa kuyo lo mdlalo izamenyezelwa ngoLwesine uma sekwethulwa zonke izinhlelo zalo mdlalo.

IMilford yiyo elishaye kuqala igoli kulo mdlalo ngasekuqaleni kwesiwombe sokuqala.

Umgadli wayo uSiphosethu Ndlabi uqedele ngesithende ibhola abeligotshelwe nguBulelani Sigomoshe obehudule izitobha zeGalaxy waze wayongena nazo ebhokisini.

Nokho iGalaxy ilinganisile ngasekuqaleni kwesiwombe sesibili ngegoli elingqofelwe enethini nguVoctor Letsoalo.

Yize womabili ewakhile amanye amathuba, alikho elikwazile ukushaya igoli umdlalo waze waphela ngisho esikhathini esengeziwe.

• FUNDA NALA | IBucs ibuyisa ebimbolekisile

Kube sekuyiwa phansi kwepali, la kufike kwadlula khona ezikaTim Sukazi zaya kowamanqamu.

• EZISHISAYO | Cofa lapha usithole kuWhatsApp