Kuzovela unyawo olusha kwiKaizer Chiefs ibhekene ne-Arrows
Ibuye ngolunye unyawo iKaizer Chiefs njengoba iqhubeka nomkhankaso wayo weBetway Premiership ngoLwesibili ebusuku.
Izobhekana neGolden Arrows emdlalweni ozoba seFNB Stadium ngo-7.30 ebusuku kanti seliphumile iqembi eqala ngalo umdlalo.
Njengoba uSibongiseni Mthethwa obeyinsiika yeqembu esiswini engekho ngenxa yokulimala, indawo yakhe ithathwe uLebohang Maboe.
Uzolekelelana noNdlovu, uPule Mmodi noMduduzi Shabalala esiswini njengoba abaqeqeshi beqoke ukusebenzisa uhlaka lwe-4-4-2.
Lolu hlaka luba nezitobha ezine, abadlali basesiswini abane nabagadli ababili kanti luvamise ukusetshenziselwa ukuqinisekisa ukungangenela yigoli.
Inhloso kusuke kuwukulawula umdlalo esiswini. UShabalala nguye ozobe ebhekwe ukuphakela abagadli amabhola.
Phambili kuboshelwe uGlody Lilepo noFlavio Da Silva okuyibo okubhekwe ukuba baqede indlala yamagoli okuyinto ebiyisithiyo kwiChiefs ngesizini edlule.
I-Arrows yona ibukeka izimisele ngokuhlasela ngokushesha njengoba inabathathu phambili nabathathu esiswini, bese ivala ngabane emuva.
Lo mdlalo kulindeleke ushube njengoba womabili lamaqembu ebheke ukuwuqala ngonyawo oluhle unyaka.
FUNDA NALA | IPirates seyisise ngabanye ababili kwelePSL
- Ibophele kanje iChiefs (4-4-2): Petersen – Monyane, McCarthy, Kwinika, Miguel – Ndlovu, Mmodi, Maboe, Shabalala – Lilepo, Da Silva
- Ebhentshini: Bvuma, Msimango, Solomons, Mako, Mabaso, Velebayi, Baartman, Vilakazi, Mayo
- I-Arrows ibophele kanje: T. Mbanjwa – Komara, Cisse, Mabaso, Jiyane – Ndlovu, Dlamini, S. Cele, – T. Khumalo, P. Khumalo, Maxwele
- Ebhentshini (4-3-3): Maova, Mafuleka, Booysen, B. Cele, Karelse, K. Shezi, Sithole, Nguse, Matlaba
Sezigawulwe zabekwa, manje sekushoda ukuthi abadlali banikeze abalandeli ukudla kwabo enkundleni.
ZITHOLE ZISHISA:Â Cofa lapha usithole kwiWhatsApp Channel yethu
