Izinkunzi zase-Europe zilobizela oweSundowns
Omunye wabadlali abasebancane be-Mamelodi Sundowns usehehe amehlo amaqembu ase-Europe okuvela ukuthi angase avele eChloorkop ezocela ukudayiselwa yena.
Ngokombiko weCitizen, iSundowns ingase ibhekane nesicelo esikhulu ngalo mdlali wayo uma kuvulwa iwindi lokuhwebelana ngabadlali ngoJanuwari.
Iqembu laseBelgium, iGent, kubikwa ukuthi lihamba phambili kwahalela uMalibongwe Khoza odlala emuva maohakathi nenkundla.
Leli qembu lidinga ukuqinisa emuva kulandela ukulimala kabi kukaMouhamed Ngom, okungenzeka kumenze angadlali okungenani izinyanga eziyisithupha.
UKhoza, oneminyaka engu-22, ukhuliswe esikhungweni sokucija amakhono se-Mamelodi Sundowns futhi wanyuselwa eqenjini elikhulu ngo-2024.
Selokhu aqala ukudlala kuleli qembu, usenemidlalo engu-50 futhi washaya amagoli amane, okuyinto encomekayo kumdlali wasemuva.
Akusiyo iGent kuphela ebheke lo mdlali. Kubikwa ukuthi iSV Ried yase-Austria neFC Nantes yaseFrance nabo bamqapile lo mdlali.
- FUNDA NALA | Owahluleka kwiChiefs ubhakuzisa inethi phesheya
UKhoza useke wadlalela iBafana Bafana amahlandla amane, kanti inani lakhe emakethe lilinganiselwa ku-€850 000, okungaphezu kuka-R15 million.
Lokhu kungaba yithuba elikhulu kuKhoza lokuzakhela igama e-Europe, kodwa i-Mamelodi Sundowns yiyo ezonquma njengoba lo mdlali esenenkontileka neqembu.
- EZISHISAYO|Â Cofa lapha usithole kuWhatsApp
