IPirates icacisa ngecala lokhukhwabanisa elifake enkantolo
I-Orlando Pirates isiphumele obala ngodaba olusezinkantolo oluthinta izinsolo zokukhwabanisa ezibhekiswe kowayengumphathi wezimali kule kilabhu.
Lolu daba luhlobene nezinsolo zokuthi kwenziwa izinkokhelo ezifika ku-R20 million.
IPirates isifake isicelo eNkantolo eNkulu sokuthi kugcinwe imali ethile ehlobene nalezi zinkokhelo ngesikhathi kusaqhubeka uphenyo.
Le kilabhu igcizelele ukuthi lesi sinyathelo sithathwe ngenhloso yokuvikela izimali zayo, kanti akusho ukuthi sekutholakale ukuthi kukhona umuntu onecala.
IPirates iphinde yathi lo muntu okukhulunywa ngaye uyasebenzisana nayo kulolu daba, futhi ikilabhu izibophezele ekuqinisekiseni ukuthi wonke umuntu uphathwa ngendlela efanele.
Lezi zindaba azikuphazamisi ukusebenza kwansuku zonke kwePirates.
Ikilabhu iqinisekise abalandeli, ozakwabo kwezamabhizinisi nabaxhasi ukuthi imisebenzi yayo isaqhubeka njengokujwayelekile.
IPirates ithe ukugxila kwayo kusaseqenjini nezinhlelo zesizini.Njengoba lolu daba selusezinkantolo, ikilabhu it
he ngeke ikwazi ukuphawula kabanzi okwamanje, kodwa izokwazisa umphakathi uma sekufanele yenze njalo.
