IFrance nesinqumo sinhala ngokweseka u-Infantino kweseFifa

Elinye lamazwe anamandla ebholeni lase-Europe, i-France seliqinisekise isinqumo salo ngokweseka u-Gianni Infantino emzamweni welinye ihlandla lokwengamela iFifa.

Ukhetho lokuqoka ubuholi obusha bale nhlangano eyengamele ibhola emhlabeni luzoba ngoMashi 2027.

IFrench Football Federation (FFF) ithe ngoLwesine amalungu ayo avotele ngazwi linye ukuthi ngeke meseke u-Infantino odabuka eSwitzerland.

Ngaleyo ndlela iFrance ijoyina iBelgium, Italy, Scotland, Sweden neWales ekuphikiseni ukubuya kuka-Infantino.

IFifa iqinisekise ngesonto eledlule ukuthi u-Infantino, oneminyaka engu-56, uzongenela elinye ihlandla. 

Kuze kube manje uyena kuphela osevele ngokusemthethweni ukuthi uyalungenela ukhetho.

Nokho umengameli weCONCACAF, uVictor Montagliani, kulindeleke ukuthi afake inselelo.

Lokhu kuza ngemuva kohlelo luka-Infantino olwahoxiswa lokuvumela abatshali bezimali abazimele ukuthi bathenge amasheya enkampanini ezophatha iNdebe yoMhlaba yabesilisa nabesifazane.

i-Uefa yake yasabisa ngokuduba, yabe isihoxisa lolo songo, yanxusa u-Gianni Infantino ukuthi ashiye esikhundleni sokwengamela i-Fifa.

Iphinde yalungiselela izinyathelo zomthetho ngezinsolo “zokungaphathwa kahle nobugebengu.”

Umengameli weFFF, uPhilippe Diallo, uthe ukwethembana phakathi kwabo no-Infantino sekuphukile.

• FUNDA NALA | UMessi uthenga iqembu laseSpain

U-Gianni Infantino usebe ngumengameli we-Fifa kusukela ngo-2016, kodwa usaqhubeka nokuthola ukwesekwa yiSaudi Arabia, iCAF neCONMEBOL.

IFrance izobonisana ngaphambi kokunquma ukuthi izosekela bani kwiFifa Congress ezoba seRabat, eMorocco.

• EZISHISAYO| Cofa lapha usithole kuWhatsApp