I-PSL nesimemezelo esibalulekile ngoweCarling Knockout
Umdlalo wokugcina weCarling Knocout la ompetha i-Orlando Pirates izogadulisana khona neqembu eliqokwe abalandeli uzoba seThekwini.
IPremier Soccer League iqinisekise ngoMsombuluko ukuthi lo mdlalo uzoba seMoses Mabhida Stadium ngoMgqibelo ntambama.
IPirates ingene kulo mdlalo ngemuva kokushaya kwayo iMarumo Gallants kowamanqamu weCarling Knockout ePeter Mokaba Stadium.
Iqembu elizobhekana nePirates lisazomenyezelwa ngokusemthethweni njengoba ukuvotelwa kwalo sekuvaliwe.
IPirates izoya kulo mdlalo iningi labadlali bayo abadlale umdlalo wamanqamu ngoMgqibelo bengasekho njengoba sebesekhempini yeBafana.
Bayisishiyagalombili abadlali bePirates abakwiBafana eya kwiCaf Africa Cup of Nations (Afcon) ezoba seMorocco.
Njengoba bezobe bengekho laba badlali, kuzonika abanye abadlali ithuba lokuthola ukudlala.
Kubadlali okubhekwe bathole ithuba ngoSimphiwe Selepe, Sinoxolo Kwayiba, Olisa Ndah no-Abdoulaye Mariko.
FUNDA NALA | URamovic ufuna baxolelane noMokwena
Amathikithi alo mdlalo weCarling Knockout aseqalile ukudayisa kanti atholakala e-Open Tickets kanti libiza u-R40 lilinye.
ZITHOLE ZISHISA:Â Cofa lapha usithole kwiWhatsApp Channel yethu
