I-PSL isimemezele abadle imiklomelo yenyanga ka-Agasti
I-Premier Soccer League (PSL) isikhiphe imiklomelo yayo yokuqala yenyanga, ehlose ukubungaza ikhono lomuntu ngamunye kuyo yonke iBetway Premiership.
Umqeqeshi we-Orlando Pirates u-Abdeslam Ouaddou uthathe umklomelo woMqeqeshi weNyanga.
Lokhu kulandela ukuhola amaBuccaneers ekuwineni imidlalo emithathu nokudlala ngokulingana kowodwa emidlalweni emine yeligi.
Lesi kube yisiqalo esihle kweziMnyama uma kuqhathaniswa nangesizini edlule la zidle khona lesi sicoco ngesizini edlule.
Umklomelo woMdlali weNyanga wona udliwe ngumgadli waMaZulu FC, uThandolwethu Ngwenya okhombisa ikhono eliphezulu lokubhakuzisa inethi kule sizini.
UNgwenywa ulusebenzele ngendlela encomekayo Usuthu ekuqaleni kwale sizini eshaya magoli amahlanu emidlalweni emine.
La magoli akhe asize leli qembu laKwaZulu-Natal lithole amaphuzu angu-10 emidlalweni emihlanu.
Usuthu lunqobe kathathu, ladlala ngokulingana kanye, lwase luhlulwa kanye kule midlalo.
UBryan León weMamelodi Sundowns, yena uthathe umklomelo weGoli leNyanga.
Igoli lakhe esimangalisayo alishaya engaphandle kwebhokisi bebhekene naMaZulu FC yilo elimnike lo mklomelo.
- FUNDA NALA | U-Abrahams uphawula ngegoli lakhe lokuqala kwiChiefs
Le miklomelo ye-PSL izoba yinto yanyanga zonke, kanti kubhekwe ukuba wenyuse izinga lokuncintisana kwiBetway Premiership.
- EZISHISAYO|Â Cofa lapha usithole kuWhatsApp
