IChiefs isiveze imininingwane yeToyota Cup
I-Kaizer Chiefs seyethule ngkusemthethweni umqhudelwano wayo wokulungiselela isizini, iToyota Cup emcimbini obubanjelwe ekomkhulu layo eNaturena.
Lo mcimbi bewungoLwesibili emini bebade. Kube sekuvezwa ukuthi lo mqhudelwano uya eNorth West kulo nyaka.
Ngonyaka odlule udlalelwe eMoses Mabhida Stadium eThekwini, kanti ngaphambi kwalokho wawuseFree State Stadium eBloemfontein.
Yize le ndebe kungeyayo, i-Kaizer Chiefs ayikaze iyinqobe selokhu yasungulwa eminyakeni emibili edlule.
Iyidlala okokuqala, yashaywa yi-Young Africans yaseTanzania ngo 4-1, kanti ngodlule ishaywe yi-Asante Kotoko yaseGhana sekukhahlelwa amaphenathi.
Kulokhu izobe ibheke ukwenza kangcono njengoba izobhekana neScotland FC yaseZimbabwe.
Ekhuluma kulo mcimbi, uJesicca Motaung ithe lo mqhudelwano wenzelwe ukuthuthukisa ubudlelwano bamaqembu ase-Afrika.
“Kulo nyaka sikhethe ukuya eNorth West, sizodlalela eRoyal Bafokeng Stadium esanda kulungiswa kabusha.
“Siqikelelile ukuqoka iqembu esizodlala nalo. Siletha iqembu eliselisha nelenza izinto ngendlela ehlukile.
“Yiqembu elizakhela umlando walo eZimbabwe. Sizodlala neScotland FC yaseZimbabwe kulokhu,” kusho uJesicca. Umdlalo uzoba ngoJulayi 27.
Leli qembu libophele abadlali asebeke badlala kwi-Kaizer Chiefs oKnowledge Musona noKhama Billiat.
