Akekho eskimini owePirates obhekwe ngabomvu

August 3, 2024 1 min read

Akafakwanga eqenjini elizoqala umdlalo umdlali we-Orlando Pirates omusha, uMiguel Gilberto osayinwe esuka kwiPetro De Luanda.

Ozakwabo bathembise ukuthi uza nesinongo esihlukile kwiPirates nesizokwenza abalandeli bavukelwe wusinga uma sebembona.

Nangesikhathi iPirates isekhempini eSpain, lo mdlali ukhombise ukujwayela eqenjini futhi washaya igoli kweminye yemidlalo eyidlalayo.

Abalandeli bebebheke ukumbona uma iPirates seyibhekene neSuperSport United emdalweno weMTN8 e-Orlando Stadium ngoMgqibelo ngo-6 ntambama.

Nokho uGilberto uzobe ehlezi endaweni yezicukuthwane kulo mdlalo njengoba uJose Riveiro engamqokanga eqenjini elizodlala.

Akekho ngisho kwababekwe ebhentshini kulo mdlalo obhekwe ngabomvu nozokhombisa ukuthi iqembu libhekephi kule sizini.

Ngasecaleni leSuperSport, uVincent Pule, emsayine esuka kwiPirates yena uzowuqala lo mdlalo.

Abophele kanje lamaqembu:

Orlando Pirates XI (4-3-3): Chaine, Monyane, Ndah, Sesane, Hotto, Makhaula, Mbatha, Maswanganyi, Saleng, Mofokeng, Mabasa.

Ibhentshi: Buthelezi, Moleleki, Kimvuidi, Baloni, Maela, Dlamini, Makgopa, Ndlondlo, Sibisi.

Supersport United (3-4-3): Goss; Mobbie, Rapoo, Sanoka, Hlatshwayo, Poggenpoel, Magerman, Ayer, Pule, Dzvukamanja, Grobler

Ibhentshi: Xulu; Baloyi, Baliti, Moralo, Matsio, Lakay, Makubo, Mahlangu, Muthwi