Amathemba ku-Ighodaro, iChiefs ihlose umlando kwiConfed Cup
IKaizer Chiefs isiliqinisekisile iqembu layo elizoqala emdlalweni womlenze wesibili esigabeni sokuhlunga kwiCaf Confederation Cup ne-AS Simba.
Lo mdlalo uzoba s eDobsonville Stadium ngeSonto ntambama, kanti Amakhosi azimisele ukudlulela phambili.
Umlenze wokuqala eDR Congo uphele kungenagoli, okushiye iGlamour Boys idinga ukunqoba ekhaya ukuze idlulele esigabeni samaqoqo kulo mqhudelwano.
FUNDA NALA | UKeet usola abaqeqeshi ngenduku etholwe yiDurban City
UCedric Kaze ongumqeqeshi uthi iqembu selikulungele ukuqopha umlando njengoba lisekhaya.
“Singaqopha umlando kule mpelasonto,” kusho yena. “Siyazi ukuthi yini edingekayo — abadlali baziqeqeshe kanzima futhi bakulungele ukwenza okudingekayo ukuze sinqobe.”
- Amakhosi abophele kanje: Petersen © – Cross, McCarthy, Kwinika, Solomons – Mthethwa, Ngcobo, Shabalala, Vilakazi, Lilepo – Ighodaro
- Ebhentshini: Bvuma, Frosler, Matlou, Cele, Maboe, Sirino, Mmodi, Velebayi, Du Preez
Umdlalo ozoba seDobsonville Stadium ngo-3 ntambama, kanti iChiefs ibheke indawo okokuqala emlandweni wayo esigabeni samaqoqo kwiConfederation Cup.
