UZwane ufuna AmaZulu angalenzi iphutha ngamaphuzu
AmaZulu FC abheke ukunqoba umdlalo wesibili kulandelana kwiBetway Premiership uma esemukela iPolokwane City eKing Zwelithini Stadium ngoLwesihlanu ebusuku.
Lo mdlalo uqala ingo-7:30 ebusuku. AmaZulu aya kulo mdlalo ehambela phezulu kulandela kokunqoba ngo 1-0 ekuhambeni ihlula iGolden Arrows emdlalweni wawo wokugcina.
Lowo mphumela uphawule ukunqoba kwawo kwesibili emidlalweni emithathu. Ahlulwe kowodwa.
Njengamanje AmaZulu asendaweni yesithupha kwilogi, angemuva ngephuzu elilodwa kwiTS Galaxy.
Ashiya iPolokwane City ngephuzu elilodwa. Ukunqoba kungase kuqinise amathuba awo okuqeda kwiTop 8.
Umqeqeshi woSuthu u-Arthur Zwane uyavuma ukuthi ingcindezi iyanda.
“Sesithembele kwabanye ukuthi balahle amaphuzu manje,” kusho uZwane.
“Ukube besinawo la maphuzu amathathu athathwe kithina, besizoba nangu-36 kumanje,” kusho uZwane.
“Ngeke kube lula. Sizobhekana nePirates ngemuva kwalokhu.
“Sidlale imidlalo eminingi kumanye amaqembu futhi lokho kusifaka ingcindezi.”
Khonamanjalo, iPolokwane City, ibambane neSuperSport United ngo 1-1 ngempelasonto edlule.
Kodwa ifomu yayo ayiyinhle neze — ayikanqobi emidlalweni emithathu edlule, kanti ihlulwe kabili.
I-Rise and Shine ihlezi ngezansi nje kwaMaZulu endaweni yesikhombisa futhi nawo asempini yokuqeda kwiTop 8.
Umqeqeshi uPhuti Mohafe ukholwa ukuthi iqembu lakhe kumele liqine manje.
“Bekufanele sikhahlelele ipali, kodwa sadlula lapho kufanele sikhahlele khona, siyaphasa,” kusho uMohafe.
“Singakulungisa lokho. Inkinga yangempela ukuthola amagoli. Uma singakulungisa lokho, sizolunga.”
Njengoba womabili amaqembu ehlalene ezithendeni kwilogi, futhi efisa ukuqinisa izindawo zawo, lo mdlalo wangoLwesihlanu uthembisa ukushuba.
Ngabe AmaZulu azokwazi ukuwagcina amaphuzu ekhaya, noma ngabe yiPolokwane City ezohamba nawo iye eLimpopo?
Sekuzocaca ngemuva kwalo mdlalo ovula impelasonto yemidlao yeligi ethembisa ukuba sezingeni eliphezulu.
