Usebheke phesheya oweGolden Arrows obefunwa eGauteng
Ashwebile amaqembu amakhulu aseGauteng njengoba sekuvela ukuthi umdlali osemncane we-Golden Arrows usesayine kwelaphesheya.
Ezakamuva ziti u-Isaac Cisse useqede konke mayelana nokudlulela eqenjini laseBelgium, iRoyal Charleroi.
Lo mdlali kulindeleke ukuthi alibangise eBelgium ngesonto elizayo ukuze aqedele isigaba sokugcina sokusayina kwakhe.
UCisse ujoyine iGolden Arrows ekuqaleni kwesizini edlule, washeshe waba ngomunye wabadlali abebethembekile ngaphansi komqeqeshi uManqoba Mngqithi.
Indlela adlale ngayo idonse amehlo amakilabhu amakhulu aseNingizimu Afrika okubalwa kuwo i-Orlando Pirates neMamelodi Sundowns.
Nokho, lo mdlali unqume ukungaqhubeki nomsebenzi wakhe kwiBetway Premiership, wakhetha ukuzama inhlanhla yakhe eYurophu.
Ukudlulela kwakhe kwiRoyal Charleroi kubonwa njengesinyathelo esikhulu emsebenzini wakhe njengoba ezothola ithuba lokuzibonakalisa kwenye yamaligi asezingeni elihle.
Uma konke kuhamba ngendlela ehleliwe, uCisse uzojoyina iqembu lakhe elisha ezinsukwini ezimbalwa ezizayo njengoba elungiselela ukuqala isahluko esisha emsebenzini wakhe webhola.
- FUNDA NALA | Elase-Austria lifuna isitobha seDowns
Ukuhamba kwakhe kuzoshiya isikhala kwi-Golden Arrows esaqhubeka nokuzihlela kabusha ngaphansi kukaPitso Dladla oqashwe ukuvala isikhala sikaMngqithi.
- EZISHISAYO|Â Cofa lapha usithole kuWhatsApp
